Yobe 25 - MUKANDA WA MYIDI MUKULU

Bildade kuamba ne: Mvidi Mukulu udi mfumu wa diulu ne buloba

¹ Pashishe Bildade wa mu buloba bua Shuka, kuambila Yobe ne:

² Mvidi Mukulu udi ne bumfumu ne bukalenga budi bukuatshisha bowa. Udi ufila ditalala too ne mu diulu.

³ Udi mua kubala bisumbu bia bena mudimu bende nnganyi? Udiye kayi upatuila diba nnganyi?

⁴ Muntu udi mua kubinga kumpala kua Mvidi Mukulu anyi? Muntu wa pa buloba udi mua kuikala muakane kumpala kua Mvidi Mukulu anyi?

⁵ Pikala ngondu menemene kayi ukenka, mitotu kayiyi miakane kumpala kua Mvidi Mukulu,

⁶ kadi muntu udi amu kishi, udi anu musanda! Nanku udi mua kuikala ne mushinga ku mesu a Mvidi Mukulu anyi?