Misambu 87 - MUKANDA WA MYIDI MUKULU

Siyone nditunga dia bantu bonsu

1 Musambu wa mu mukanda wa misambu wa bena Kora .

¹ Musambu wa mu mukanda wa misambu wa bena Kora. Maweja-Nangila udi muibake Yerushalayime, pa mikuna ya tshijila.

² Udi munange tshimenga tshia Siyone, bipite dinanga dia minga miaba ya mu ditunga dia Yakobe.

³ Wewe tshimenga tshia Mvidi Mukulu, Mvidi Mukulu udi ukutumbisha wamba ne:

⁴ “Ku bonsu badi bammanye: ndi ntela bena Ejipitu, bena Babilone, bena Peleshete, bena Tire ne bena Kushe, badi babalelele mu matunga aa.

⁵ Kadi Siyone, badi bamuamba ne: ke tshimenga tshilelela tshia bantu bonsu. Mvidi Mukulu Muena kulu ke udi mutshiase.”

⁶ Maweja-Nangila udi mufunde mena a bantu mu mukanda wa mena, udi mumanyishe muntu yonsu wa kudibu ne: “Siyone ke tshimenga tshiende tshilelela.”

⁷ Wewe Tshimenga tshia Mvidi Mukulu, bimbi ba misambu ne baji ba maja bonsu tshiapamue, batumbishe lumu luebe.