Misambu 75 - MUKANDA WA MYIDI MUKULU

Mvidi Mukulu udi ulumbuluisha

1 Musambu wa mu mukanda wa mulombodi wa bena misambu, wa kuimba bu musambu wa “Kubutuishi…” Musambu wa mu mukanda wa

¹ Musambu wa mu mukanda wa mulombodi wa bena misambu, wa kuimba bu musambu wa “Kubutuishi…” Musambu wa mu mukanda wa misambu ya Asafe.

² Mvidi Mukulu wetu, tudi tukutumbisha, tukuela tuasakidila, tumanyisha bantu bukole buudi nabu, ubalondela malu a dikema auvua muenze.

³ Mvidi Mukulu udi wamba ne: “Meme nkayanyi ndi njadika tshikondu tshindi ndumbuluisha bantu, nenkose nsambu yabu amu pa yoyi.

⁴ Nansha buloba buzakala, nansha badi basepu batshina, kadi meme ndi mbushindika pa makunji abu kashidi.”

⁵ Ndi ngambila bena dikamakama ne: “Kanudisu kabidi to!” Ntandisha badi kabayi bangitaba ne: “Bienu biantondi!

⁶ Diditemba dienu dijike, didiela mulu dienu ndintonde!

⁷ Numanye ne: lupandu luenu kaluena lufuma kudi diba dipatukila, nansha kudidi dibuelela. Kaluena lufuma ku mikuna nansha ku tshipela.

⁸ Amu Mvidi Mukulu ke udi ulumbuluisha bantu, upuekesha umue, ubandisha mukuabu.”

⁹ Mu bianza bia Maweja-Nangila mudi dikopu dia maluvu, dia maluvu a buanji mamane kuzaza. Ke maluvu a tshiji tshia Mvidi Mukulu. Udi wanuisha bantu babi ba pa buloba. Badi ne bua kuanua bonsu, kuajikija too ne binyindanyinda, kushiya dikopu munda mutupu.

¹⁰ Kadi meme tshiakupuwa to. Nengimbile Mvidi Mukulu wa Yakobe misambu, mmanyishe bantu bionsu bivuaye muenze.

¹¹ “Neatokeshe bena ditambisha bonsu, kadi bantu bende neabatantamije.”