Misambu 149 - MUKANDA WA MYIDI MUKULU

Nuenu badi balamata Maweja-Nangila, muimbilayi

¹ Tumbishayi Maweja-Nangila, Aleluya! Imbilayi Maweja-Nangila musambu mupiamupia. Bantu batumbishe Maweja-Nangila muaba udi bena diende basangile!

² Izrayele, usanke, bualu Maweja-Nangila udi mukufuki webe. Bena Siyone nusanke, bualu udi mukalenga wenu.

³ Bantu batumbishe Maweja-Nangila ne maja, bamuimbile, bamusamune ne lunkombe.

⁴ Bualu Maweja-Nangila udi ne disanka bua tshisa tshiende, udi utumbisha bapuekele, ubapandisha.

⁵ Bantu badi balamata Maweja-Nangila, basanke, batumbishe Mvidi Mukulu! Bele mbila ya disanka nansha butuku!

⁶ Batumbishe Mvidi Mukulu ne meyi majikuke, ne muele wa nkanza mu tshianza!

⁷ Basombuele bukua bisamba, banyoke bukua matunga,

⁸ bele bakalenga babu nkanu, basuike balombodi ba mu bukalenga buabu ne nkanu.

⁹ Babalumbuluishe mu dina dia Mvidi Mukulu, babakosele tshibawu pa tshiotshi. Badi balamata Maweja-Nangila bonsu bikale ne lumu. Tumbishayi Maweja-Nangila, Aleluya!