Misambu 126 - MUKANDA WA MYIDI MUKULU

Miadi kuandamuka disanka

1 Musambu wa bena ngendu.

¹ Musambu wa bena ngendu. Pavua Maweja-Nangila mutupingajile disanka mu Siyone, tuvua bu bantu badi balota.

² Tuetu kuseka, kuela mbila ya disanka. Mu bisamba bikuabu, bantu bavua bamba ne: “Maweja-Nangila mmubenzele malu a bungi.”

³ Bushuwa, Maweja-Nangila mmutuenzele malu a bungi, tuvua ne disanka.

⁴ Maweja-Nangila, tupingajila disanka tshiakabidi, bu muudi ufululula misulu miume.

⁵ Muntu udi umiamina maminu, wenda udila, neele mbila ya disanka padiye unowa.

⁶ Muntu udi uya kukuna ntete, wenda udila, neapingane, wenda wela mbila ya disanka, muambule bisumbu biende bia ntete.