Misambu 125 - MUKANDA WA MYIDI MUKULU

Bantu badi beyemena Maweja-Nangila

1 Musambu wa bena ngendu.

¹ Musambu wa bena ngendu. Bantu badi beyemena Maweja-Nangila, mbafuane mukuna wa Siyone, udi kauyi utenkakana tshiendelele.

² Bu mudi mikuna milame Yerushalayime, ke mudi Maweja-Nangila ulama tshisa tshiende, mpindiewu ne kashidi.

³ Bumfumu bua bantu babi, kabuena mua kushindama mu buloba bua bantu bakane, tshianana bantu bakane nebabuelakane mu malu mabi.

⁴ Maweja-Nangila, bantu baudi mumone bakane ne ba malu mimpe, ubenzele bimpe.

⁵ Kadi bantu badi balonda njila mikonyangale, kabidi ne badi benzela bakuabu bibi, Maweja-Nangila ubabutule! Izrayele asombe talalaa!