Misambu 124 - MUKANDA WA MYIDI MUKULU

Bu Maweja-Nangila kayi netu…

1 Musambu wa bena ngendu udi mu mukanda wa misambu ya Davide.

¹ Musambu wa bena ngendu udi mu mukanda wa misambu ya Davide. Bu Maweja-Nangila kayi netu… — Izrayele ambulule ne:

² “Bu Maweja-Nangila kayi netu”, — pavua bantu bajuka bua kutuluisha,

³ pavuabu batufikila munda, bavua mua kutumina ne muoyi.

⁴ Diba adi mayi avua mua kutupuekesha, musulu uvua mua kutujimija.

⁵ Diba adi mavuala a mayi, avua mua kutupitshila pa mitu.

⁶ Tuele Maweja-Nangila tuasakidila, bualu kena mutufile mu menu abu bua kutudiabu.

⁷ Tuakapandukamu, bu mudi nyunyi utuka mu bukondu bua mukuatshi wa tunyunyi; bukondu kupandika, tuetu kupanduka.

⁸ Maweja-Nangila udi mufuke diulu ne buloba, yeye nkayende ke udi utuambuluisha.