Misambu 121 - MUKANDA WA MYIDI MUKULU

Udi mua kungambuluisha nnganyi?

1 Musambu wabena ngendu.

¹ Musambu wabena ngendu. Ndi ntangila ku mikuna minene: Kudi muntu udi mua kungambuluisha anyi?

² — Maweja-Nangila udi mufuke diulu ne buloba, ke udi ungambuluisha.

³ Akuepule, kututshi dikasa dibi, akulame, kayi upungila!

⁴ Yeye ke udi ulama Izrayele, kayi ulala, kayi upungila.

⁵ Neakulame, neikale papuipi nebe, neikale tshisokomenu tshiebe.

⁶ Mu munya, diba kadiena dikuosha, nansha butuku ngondu kena ukutonda.

⁷ Maweja-Nangila nealame muoyi webe, neakuepule ku bualu bubi buonsu.

⁸ Eyowa, Maweja-Nangila neakulame, muwaya ne muwafika, ku mpindiewu ne kashidi!