Misambu 11 - MUKANDA WA MYIDI MUKULU

Mu dikenga ndi nyemena kuudi

1 Musambu wa mu mukanda wa mulombodi wa misambu, kabidi wa mu mukanda wa misambu ya Davide.

¹ Musambu wa mu mukanda wa mulombodi wa misambu, kabidi wa mu mukanda wa misambu ya Davide. — Ndi nsokoma kudi Maweja-Nangila. Munudi nungamba ne: “Buuka bu nyunyi mu mikuna” mmunyi?

² — Kadi mona, bantu babi badi banana buta buabu, badi baludikila amu mikete mu miidima bua kushipa bantu badi kabayi ne bualu.

³ Padi bulongolodi buonsu bunyanguka mu ditunga, tshidi muntu muakane mua kuenza kabidi ntshinyi?

⁴ — Maweja-Nangila udi mu nzubu wende wa tshijila. Maweja-Nangila udi ne nkuasa wende mu diulu. Udi utangila bantu miaba yonsu idibu, uteta bionsu bidibu benza.

⁵ Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

⁶ Bena tshikisu neabalokeshile makala a kapia ne bikanganya. Neabanyoke ne lupepele lua mvunde.

⁷ Bualu Maweja-Nangila udi muena buakane, udi unanga bantu badi benza bimpe. Bantu badi bamulamata, nebasombe pabuipi nende.