Genese 36 - MUKANDA WA MYIDI MUKULU

Esawu udi uya mu ditunga dia Edome

¹ Ke mena a ndelanganyi ya Esawu, udibu babikila kabidi ne Edome:

² Esawu uvua musele bakaji basatu ba bena Kenaane: Ada, muana wa Elone, muena Iti; Oholibama, muana wa Ana (Ana awu uvua muana wa Sibeyone, muena Ivi);

³ Basmate, muana wa Ismayele. Yeye uvua ne muanabu Nebayote.

⁴ Ada uvua mulelele Esawu muana anu umue: Elifaze. Basmate uvua mulele kabidi muana anu umue: diende Reyuwele.

⁵ Kadi Oholibama uvua mulele bana basatu: Yewusha, Yalame ne Kora. Ke bana bonsu balume ba Esawu, bavuaye mulele mu ditunga dia Kenaane.

⁶ Esawu kumuangala ne bakaji bende, bana bende ba balume ne ba bakaji, bena diende bakuabu bonsu, kabidi ne bimuna biende, nyama yende ivua yambula majitu, bintu bionsu bivuaye mupete mu ditunga dia Kenaane. Kuyaye kuasa bashilangane mutantshi mule ne muanabu Yakobe mu ditunga dikuabu.

⁷ Bualu bonsu babidi bavua ne bintu bipite bungi. Nanku kabavua mua kusomba muaba umue to. Ditunga dia Kenaane divua dikese. Kadivua dikumbane mua kudisha bimuna biabu bonsu babidi to.

⁸ Ke muvua Esawu, udibu babikila kabidi ne: Edome, muye kuasa ku mukuna wa Seyire.

Ndelanganyi ya Esawu

⁹ Ke mena a ndelanganyi ya Esawu, nkambua wa bena Edome, bavua base ku mukuna wa Seyire:

¹⁰ Ada, mukaji wa Esawu, uvua mulele muana anu umue wa balume, dina diende: Elifaze. Basmate uvua mulele Reyuwele.

¹¹ Elifaze kulela bana ba balume batanu: Temane, Omare, Sefo, Ngatame ne Kenaze.

¹² Kadi Timna, mukaji mukuabu uvua Elifaze mubanjije, uvua mulele muana wa balume anu umue: Amaleke. Ke bikulu ba Esawu bavuabu balele kudi Elifaze, muana wa mukajende Ada.

¹³ Basmate, mukaji wa Esawu, uvua mulele kabidi muana wa balume anu umue Reyuwele. Reyuwele uvua mulele bana ba balume banayi: ke Nahate, Zera, Shama ne Miza. Ke bikulu ba Esawu, bavuabu balele kudi Reyuwele, muana wa Basmate.

¹⁴ Oholibama, mukaji mukuabu wa Esawu, uvua muana wa Ana. Uvua kabidi muikulu wa Sibeyone. Oholibama uvua mulele bana ba balume basatu: Yewusha, Yalame ne Kora.

¹⁵ Bamfumu badi bafuma ku ndelanganyi ya Esawu badi nunku: Elifaze, muanabute, udi nkambua wa bamfumu basambombu: Temane, Omare, Sefo, Kenaze,

¹⁶ Ngatame ne Amaleke. Bana aba ke ndelanganyi ya Elifaze, muanabute wa Esawu, uvuaye mulele ne mukajende Ada. Bobu bavua basombe mu Edome.

¹⁷ Reyuwele, muanende mukuabu wa kua mukajende Basmate, udi nkambua wa bamfumu bakuabu bavua basombe mu Edome: ke Nahate, Zera, Shama ne Miza.

¹⁸ Ku bana bavua Esawu mulele ne mukajende Oholibama, muana wa Ana, nkupatuke bamfumu basatu: ke Yewusha, Yalame ne Kora.

¹⁹ Ke bamfumu ba bena Edome, ndelanganyi ya Esawu.

²⁰ Bantu ba kumpala ba mu ditunga dia Edome bavua ndelanganyi ya Seyire, muena Ori. Bamfumu ba bena Ori: ke Lotane, Shobale, Sibeyone, Ana,

²¹ Dishone, Eshere ne Dishane.

²² Lotane uvua mulele Ori ne Emame. Lotane uvua ne muanabu wa bakaji, Timna.

²³ Bana ba Shobale ke Akane, Manahate, Ebale, Shefo ne Oname.

²⁴ Bana ba Sibeyone: ke Aya ne Ana. Ana ewu ke uvua musangane mpokolu wa mayi mu tshipela, pawaye udisha mpunde ya tatuende Sibeyone.

²⁵ Ana uvua ne bana babidi: Dishone ne wa bakaji Oholibama. Dishone uvua mulele Emdane,

²⁶ Eshebane, Itrane ne Kerane.

²⁷ Eshere uvua mulele Bilehane, Zavane ne Akane.

²⁸ Dishane uvua mulele Use ne Arane.

²⁹ Ke bamfumu ba bena Ori: Lotane, Shobale, Sibeyone, Ana,

³⁰ Dishone, Eshere ne Dishane. Bavua basombe mu ditunga dia Seyire.

³¹ Bena Izrayele kabayi banji kupeta bakalenga, bena Edome bakavua ne bakalenga, balondangane nunku mu bukalenga:

³² Bela, muana wa Beyore, wa mu tshimenga tshia Dinaba.

³³ Yobabe, muana wa Zera, wa mu tshimenga tshia Bosra.

³⁴ Ushame, wa mu ditunga dia bena Temane,

³⁵ Adade, muana wa Bedade, wa mu tshimenga tshia Avite. Ke yeye uvua mutshimune bena Madiyane mu mpata ya Mowabe.

³⁶ Samla, wa mu tshimenga tshia Masreka.

³⁷ Shawule, wa mu tshimenga tshia Rehobote, ku muelelu wa mayi.

³⁸ Baale-Anane, muana wa Akbore.

³⁹ Adare, wa mu tshimenga tshia Pawu. Uvua musele Metabeyele, muana wa Matrede, kabidi ne muikulu wa Mezahade.

⁴⁰ Bisamba bia bena Edome, bilondeshile muaba udi tshisamba tshionsu tshisombe, bilondeshile kabidi dina dia nkambua watshi, ke Timna, Aka, Yetete,

⁴¹ Oholibama, Ela, Pinone,

⁴² Kenaze, Temane, Mibsare

⁴³ Magdiyele, Irame. Bisamba bionsu abi bidi biasa mu ditunga dia Edome, tshisamba tshionsu pa muaba watshi. Esawu ke nkambua wa bena Edome bonsu.