Ezela 2 - MUKANDA WA MYIDI MUKULU

Mena a bena Yuda bavua bapingane mu ditunga diabu

¹ Ku bantu bavua Nebukadnesare, mukalenga wa Babilone, muye nabu mu bupika mu Babilone, ba bungi bavua bapingana mu Yerushalayime, mu ditunga dia bena Yuda. Muntu yonsu uvua mupingane anu mu tshimenga tshiabu.

² Bavua babalombola kudi Zerubabele, Yeshuwa, Nehemya, Seraya, Relaya, Mordekayi, Bilshane, Mispare, Bigvayi, Rekume ne Baana. Bungi bua bena Izrayele bavua bapingana, bilondeshile meku abu budi nenku:

³ Mu diku dia Paroshe, muvua bantu balume 2.172;

⁴ mu diku dia Shefatya, muvua bantu balume 372;

⁵ mu diku dia Ara, muvua bantu balume 775;

⁶ Mu diku dia Pakate-Mowabe, ndelanganyi ya Yeshuwa ne ya Yowabe, muvua bantu balume 2.812;

⁷ mu diku dia Elame, muvua bantu balume 1.254;

⁸ mu diku dia Zatu, muvua bantu balume 945;

⁹ mu diku dia Zakayi, muvua bantu balume 760;

¹⁰ mu diku dia Bani, muvua bantu balume 642;

¹¹ mu diku dia Bebayi, muvua bantu balume 623;

¹² mu diku dia Azgade, muvua bantu balume 1.222;

¹³ mu diku dia Adonikame, muvua bantu balume 666;

¹⁴ mu diku dia Bigvayi, muvua bantu balume 2.056;

¹⁵ mu diku dia Adine, muvua bantu balume 454;

¹⁶ mu diku dia Atere, ndelanganyi ya Izkiya muvua bantu balume 98;

¹⁷ mu diku dia Beshayi, muvua bantu balume 323;

¹⁸ mu diku dia Yora, muvua bantu balume 112;

¹⁹ mu diku dia Ashume, muvua bantu balume 223;

²⁰ mu diku dia Ngibare, muvua bantu balume 95;

²¹ mu musoku wa Betleyeme, muvua bantu balume 123;

²² mu musoku wa Netofa, muvua bantu balume 56;

²³ mu musoku wa Anatote, muvua bantu balume 128;

²⁴ mu musoku wa Azmavete, muvua bantu balume 42;

²⁵ mu misoku ya Kiriyate-Yeyarime, Kefira ne Beyerote, muvua bantu balume 743;

²⁶ mu misoku ya Rama ne Ngeba, muvua bantu balume 621;

²⁷ mu musoku wa Mikmase, muvua bantu balume 122;

²⁸ mu misoku ya Betele ne Ayi, muvua bantu balume 223;

²⁹ mu musoku wa Nebo, muvua bantu balume 52;

³⁰ mu musoku wa Magbishe, muvua bantu balume 156;

³¹ mu diku dia Elame mukuabu, muvua bantu balume 1.254;

³² mu diku dia Arime, muvua bantu balume 320;

³³ mu misoku ya Lode, Adide ne Ono, muvua bantu balume 725;

³⁴ mu tshimenga tshia Yeriko, muvua bantu balume 345;

³⁵ mu tshimenga tshia Sena, muvua bantu balume 3.630.

³⁶ Bisumbu bia batuangaji bivua nenku: mu diku dia Yedaya ndelanganyi ya Yeshuwa, muvua bantu balume 973;

³⁷ mu diku dia Imere, muvua bantu balume 1.052;

³⁸ mu diku dia Pashekure, muvua bantu balume 1.247;

³⁹ mu diku dia Arime, muvua bantu balume 1.017.

⁴⁰ Tshisumbu tshia bena Levi tshivua nenku: mu diku dia Yeshuwa ne Kadmiyele, ndelanganyi ya Odavya, muvua bantu balume 74.

⁴¹ Tshisumbu tshia bimbi ba misambu mu nzubu wa Mvidi Mukulu, tshivua nenku: mu diku dia Ashafe, muvua bantu balume 128.

⁴² Tshisumbu tshia balami ba ku biibi, tshivua nenku: mu meku a Shalume, Atere, Talmone, Akube, Atita ne Shobayi, muvua bantu balume 139.

⁴³ Bantu bakuabu bavua benza mudimu mu nzubu wa Mvidi Mukulu, bavua ba ku ndelanganyi ya Sika, Ashufa, Tabawote,

⁴⁴ Kerose, Siyaka, Padone,

⁴⁵ Lebana, Agaba, Akube,

⁴⁶ Agabe, Shamlayi, Anane,

⁴⁷ Ngidele, Ngakare, Reyaya,

⁴⁸ Reshine, Nekoda, Ngazame,

⁴⁹ Uza, Pasheya, Besayi,

⁵⁰ Asna, Mewunime, Nefushime,

⁵¹ Bakbuke, Akufa, Arure,

⁵² Baslute, Mekida, Arsha,

⁵³ Barkose, Sisra, Tema,

⁵⁴ Neshiya ne Atifa.

⁵⁵ Mu tshisumbu tshia ndelanganyi ya bena mudimu ba Shelomu muvua: ndelanganyi ya Sotayi, Soferete, Peruda,

⁵⁶ Yala, Darkone, Ngidele,

⁵⁷ Shefatya, Atile, Pokerete-Ashebayime ne Ami.

⁵⁸ Bisumbu bia bantu bavua benza mudimu mu nzubu wa Mvidi Mukulu, ne bia ndelanganyi ya bena mudimu ba Shelomu, bavua bantu balume 392.

⁵⁹ Bantu bavua ku bupika bafume ku Tele-Mela, Tele-Arsha, Kerube, Adane ne Imere, kabawa mua kujadika bimpe muvua meku a bankambua babu, nansha muvuabu bantu ba ku ndelanganyi ya bena Izrayele to.

⁶⁰ Bavua bantu 652, ba ku ndelanganyi ya Delaya, Tobiya ne Nekoda.

⁶¹ Batuangaji bakuabu kabidi, ndelangananyi ya Obaya, Akose ne Barzilayi, kabawa mua kujadika bimpe muvua bankambua babu to. (Barzilayi uvua ne dina edi, bualu uvua musele muana wa Barzilayi muena Ngilaade).

⁶² Bavua bakeba bikole mua kupeta mikanda ivua ne mena a bankambua babu, bapange. Nanku, kukandikabu batuangaji abu mua kuenza mudimu wabu wa butuangaji, bualu bavua babatangile bu bantu badi ne mikiya.

⁶³ Mulombodi wa ditunga mene, kubakandika bua kabadi bintu bia tshijila menemene, too ne pikala mutuangaji mujadike bualu ebu ku Urime ne Tumime.

⁶⁴ Bena Izrayele bonsu bavua bapingana bavua 42.360.

⁶⁵ Bavua ne bena mudimu balume ne bakaji 7.337. Bena misambu balume ne bakaji bavua 200.

⁶⁶ Bavua kabidi ne nyama ya tubalu 736, nyama ya mpunde milume ivua 245.

⁶⁷ Nyama ya tumelu ivua 435, ne ya mpunde mikuabu 6.720.

⁶⁸ Pavuabu bafike mu Yerushalayime, tshimenga tshivua ne nzubu wa Mvidi Mukulu, bamfumu bakuabu ba meku kufila milambu bua bibake nzubu wa Mvidi Mukulu muaba wende wa kale.

⁶⁹ Bavua bafila bintu bivuabu nabi bua kuibaka nzubu awu; bionsu bisanga bivua nenku: nkanu ya tshiamu tshia mpawungi 61.000, ne tshiamu tshitoke tshia mushinga mukole kilo 2.500. Bavua bafila kabidi mintumpu 100 ya batuangaji.

⁷⁰ Batuangaji, bena Levi ne bantu bakuabu, bena misambu, balami ba ku biibi, ne bena mudimu bakuabu ba mu nzubu wa Mvidi Mukulu, kusomba mu bimenga bivuabu babapeshe. Bena Izrayele bakuabu kuya kusomba mu bimenga biabu bia kale.