Estere 10 - MUKANDA WA MYIDI MUKULU

Mordekayi udi utshimuna musangu wa ndekelu

¹ Mukalenga Ahashaveroshe uvua wenzeja bantu ba mu matunga a ku muelelu wa mayi manene, ne ba mu bidila bivua ku bukalenga buende midimu mikole.

² Malu adi atangila midimu minene ne ya bukitu ivua mukalenga muenze, ne malu makuabu adi aleja muvuaye mubandishe Mordekayi mu muanzu munene, mbaafunde mu mukanda udibu binyika ne: “Malu menza kudi bakalenga ba bena Madayi ne ba bena Persa.”

³ Nenku Mordekayi muena Yuda, kushala muntu wa butumbi mu bukalenga, ulonda Ahashaveroshe ku bumfumu. Bana babu bonsu bena Yuda bavua bamunange ne bamunemeke bikole. Uvua ubenzela mudimu bua diakalenga diabu, ubakuila bua kubapesha ditalala.