1 Kulondolola 8 - MUKANDA WA MYIDI MUKULU

Mushindu mukuabu udibu babala ndelanganyi ya Binyamine

¹ Binyamine uvua ne bana ba balume batanu: Bela, Ashebele, Ara,

² Noka ne Rafa.

³ Bela uvua mulele bana ba balume aba: Adare, Ngera, Abikude,

⁴ Abishuwa, Namane, Akowa,

⁵ Ngera, Shefutane ne Urame.

⁶ Bana ba balume ba Ekude, bavua bamfumu ba meku a bantu bavua basomba mu Ngeba, Kumuangalabu kuya ku Manakate. Mena abu adi nenku:

⁷ Namane, Akiya ne Ngera. Ngera ke tatuende wa Uza ne Akikude. Yeye ke uvua ulombola bena tshimuangi.

⁸ Sharayime uvua muipate bakaji bende babidi: Ushime ne Baara. Pashishe mu ditunga dia Mowabe,

⁹ kuangataye mukaji, dina diende Odeshe. Sharayime kulela nende bana aba: Yobabe, Sibiya, Mesha, Malkame,

¹⁰ Yewuse, Sakiya ne Mirma. Bana bende aba ke bavua bamfumu ba meku.

¹¹ Bangabanga Sharayime uvua mulele bana ba balume babidi ne mukajende Ushime. Mena abu adi Abitube ne Elpale.

¹² Elpale kulela Ebere, Mishame ne Shemede. Shemede ke uvua muase tshimenga tshia Ono ne tshia Lode, ne misoku ivua nabi mutumba.

¹³ Beriya ne Shema, bavua bamfumu ba meku a bantu bavua basomba mu Ayalone, bakipata bantu bavua basomba mu Ngate.

^14-16 Bana ba balume ba Beriya badi: Akiyo, Shashake, Yeremote, Zebadya, Arade, Edere, Mikayele, Ishepa ne Yoka.

^17-18 Bana ba balume ba Elpale badi: Zebadya, Meshulame, Iski, Ebere, Ishemerayi, Izliya ne Yobabe.

^19-21 Bana ba balume ba Shimeyi badi: Yakime, Zikri, Zabdi, Eliyenayi, Siletayi, Eliyele, Adaya, Beraya ne Shimrate.

^22-25 Bana ba balume ba Shashake badi: Ishepane, Ebere, Eliyele, Abdone, Zikri, Anane, Ananiya, Elame, Anetotiya, Ifdeya ne Penuwele.

^26-27 Bana ba balume ba Yerowame badi: Shamesherayi, Shekarya, Ataliya, Yareshiya, Eliyane Zikri.

²⁸ Bantu aba bavua bamfumu ba meku abu, bilondeshile ndelanganyi yabu. Bavua basombela amu mu Yerushalayime.

²⁹ Muntu uvua muase tshimenga tshia Ngibone, uvua musombe mu tshimenga etshi ne muena kuende Maaka,

³⁰ muanabute wende Abdone, ne bana bende bakuabu ba balume, Sure, Kishe, Baale, Nadabe,

³¹ Ngedore, Akiyo, Zekere,

³² ne Miklote uvua tatuende wa Shima. Bantu ba ndekelu aba mbase mu Yerushalayime pamue ne bantu bakuabu ba mu tshisamba tshiabu.

Ndelanganyi ya Shawule

³³ Nere udi tatuende wa Kishe. Kishe uvua tatuende wa Shawule. Shawule uvua tatuende wa Yonatane, Malkishuwa, Abinadabe ne Ishebaale.

³⁴ Yonatane uvua tatuende wa Meribaale. Meribaale uvua tatuende wa Mika.

³⁵ Bana ba balume ba Mika badi nenku: Pitone, Meleke, Tareya ne Akaze.

³⁶ Akaze uvua tatuende wa Yowada. Yowada uvua tatuende wa Alemete, Azmavete ne Zimri. Zimri uvua tatuende wa Mosha.

³⁷ Mosha uvua tatuende wa Bineya. Bineya uvua tatuende wa Rafa. Rafa uvua tatuende wa Elasha. Elasha ntatuende wa Ashele.

³⁸ Ashele uvua ne bana ba balume basambombu: Azrikame, Bokru, Ismayele, Sheyariya, Obadya ne Anane.

³⁹ Ashele uvua ne muanabu wa balume dina diende Esheke. Mena a bana ba Esheke adi nenku: Ulame uvua muanabute, muibidi uvua Yewushe, muisatu Elifelete.

⁴⁰ Bana ba Ulame bavua bilobu, bamanye mua kuludikila mikete. Bakapeta bana ba balume ne biikulu ba bungi. Bonsu pamue bavua 150. Bonsu aba mbena tshisamba tshia Binyamine.