1 Kulondolola 7 - MUKANDA WA MYIDI MUKULU

Ndelanganyi ya Isakare

¹ Isakare uvua ne bana ba balume banayi: Tola, Puva, Yashube ne Shimrone.

² Ndelanganyi ya Tola: ke Uzi, Refaya, Yeriyele, Yamayi, Ibsame ne Shemuwele. Bobu ke bamfumu ba meku adi mafumine kudi Tola. Bavua bilobu mu meku abu awu. Mu tshikondu tshia Davide, ndelanganyi ya Tola ivua bantu 22.600.

³ Uzi uvua ne muana wa balume umue, dina diende Izrakiya. Izrakiya ne bana bende: Mikayele, Obadya, Yowele ne Ishiya bavua bonsu batanu bamfumu ba meku abu.

⁴ Mu meku abu muvua bakaji ne bana ba balume ba bungi. Ke pavuabu ne bua kufila bantu 36.000 bavua bamanye mua kuluangana mvita.

⁵ Bena meku makuabu a Isakare bavua bilobu, bavuabu babadike, bavua 87.000.

Ndelanganyi ya Binyamine ne ya Naftali

⁶ Binyamine uvua ne bana ba balume basatu: Bela, Bekere ne Yediyayele.

⁷ Ndelanganyi ya Bela ivua: Esbone, Uzi, Uziyele, Yerimote ne Iri. Bavua bilobu. Kushalabu bamfumu ba meku abu. Bantu bonsu ba meku abu, bavuabu bafunde mena abu mu mikanda, bavua 22.034.

⁸ Ndelanganyi ya Bekere ivua nenku: Zemira, Yowashe, Eliyezere, Eliyokenayi, Omri, Yeremote, Abiya, Anatote ne Alemete. Ndelanganyi ya Bekere eyi

⁹ ivua bilobu, ne bamfumu ba meku abu kabidi. Bantu bonsu ba meku aa bavuabu bafunda mena mu mikanda bavua 20.200.

¹⁰ Muana wa Yediyayele uvua Bilekane. Bilekane uvua ne bana ba balume aba: Yewushe, Binyamine, Ekude, Kenaane, Zetane, Tarshishe ne Akishakare.

¹¹ Ndelanganyi ya Yediyayele yonsu eyi ivua bilobu, ne bamfumu ba meku abu kabidi. Bantu balume ba meku aa, bavua bamanye mua kuluangana mvita, bavua 17.200.

¹² Ire uvua mulele Shupime ne Upime. Akere uvua mulele Ushime.

¹³ Bana ba balume ba Naftali bavua nenku: Yashiyele, Nguni, Yeshere ne Shalume. Nanku mbiikulu ba Bila.

Ndelanganyi ya Menashe, luseke ludi diba dibuelela lua Yardene

¹⁴ Ndelanganyi ya Menashe idi nenku: Asriyele ne Makire; bavua bana ba mukajende mukuabu wa bena Arame. Makire uvua tatuende wa Ngilaade.

¹⁵ Makire kuselesha Upime ne Shupime bakaji. Makire uvua kabidi ne muanabu wa bakaji, dina diende Maaka. Uvua kabidi ne muana wa balume muibidi, dina diende Selofade. Muana ewu uvua anu mulele bana ba bakaji.

¹⁶ Maaka, mukaji wa Makire, uvua mulele muana wa balume mukuabu, dina diende Pereshe. Pashishe kulelaye kabidi muana mukuabu, dina diende Shereshe. Shereshe uvua tatuende wa Ulame ne Rekeme,

¹⁷ ne Ulame uvua tatuende wa Bedane. Bantu bonsu aba ke ndelanganyi ya Ngilaade, muana wa Makire, ne muikulu wa Menashe.

¹⁸ Amolekete, muanabu wa bakaji ne Ngilaade, uvua mulele bana basatu: Ishode, Abiyezere ne Mala.

¹⁹ Bana ba balume ba Shemida bavua Akiyane, Shekeme, Liki ne Aniyame.

Ndelanganyi ya Efrayime

²⁰ Ndelanganyi ya Efrayime ya munda muende menemene ivua nenku: Shutela, Berede, Takate, Elada, Takate,

²¹ Zabade ne Shutela. Bana ba balume bakuabu babidi ba Efrayime, Ezere ne Elade, bavua bakeba mua kunyenga bena Ngate bimuna biabu. Kadi bena Ngate aba kubashipa.

²² Efrayime kushala mu madilu matuku mavule. Bena diku diende kuvua kumusamba mu madilu amu.

²³ Pashishe Efrayime kubuelela kabidi mukajende mu nzubu. Awu kulela muana wa balume. Kumuinyikaye Beriya, bualu bena nzubu wende bavua mu dikenga.

²⁴ Efrayime uvua kabidi ne muana wa bakaji, dina diende Shera. Yeye awu ke uvua muase tshimenga tshia Bete-Orone tshia kuinshi, ne tshia Bete-Orone tshia kulu, kabidi ne tshia Uzere-Shera.

²⁵ Ndelanganyi ya Beriya ya munda muende menemene idi nenku: Refa, Reshefe, Tela, Takane,

²⁶ Ladane, Amikude, Elishama,

²⁷ Nune ne Yoshuwa.

²⁸ Mu buloba buvua bena Efrayime bapete bua kuasa, muvua kabidi tshimenga tshia Betele, ne misoku idi natshi mutumba. Ku luseke ludi diba dipatukila, kuvua Narane, kudi diba dibuelela, kuvua Ngezere ne misoku ivua ku mutumba. Kuvua kabidi buloba buvua pankatshi pa Shekeme ne Aya, pamue ne misoku ya ku mutumba.

²⁹ Ndelanganyi ya Menashe ivua mipete bimenga ebi: Bete-Sheyane, Tanake, Megido ne Dore. Bavua bapeta tshimenga tshionsu, pamue ne misoku ivua natshi mutumba. Ke bimenga bivua ndelanganyi ya Yozefe muana wa Yakobe misombe.

Ndelanganyi ya Ashere

³⁰ Bana ba balume ba Ashere badi nenku: Imna, Isheva, Ishevi ne Beriya. Ashere uvua ne muana wa bakaji, dina diende Sera.

³¹ Bana ba balume ba Beriya bavua: Ebere ne Malkiyele. Malkiyele ke uvua muase tshimenga tshia Birzayite.

³² Ebere uvua tatuende wa Yaflete, wa Shemere ne wa Otame, kabidi ne wa muanabu wa bakaji Shuwa.

³³ Bana ba balume ba Yaflete bavua Pashake, Bimale ne Ashevate.

³⁴ Bana ba balume ba Shemere bavua: Aki, Roga, Uba ne Arame.

³⁵ Bana ba balume ba Otame, muanabu ne Shemere, bavua: Sofa, Imna, Sheleshe ne Amale.

³⁶ Bana ba balume ba Sofa bavua: Suwa, Amefere, Shuwale, Beri, Imra,

³⁷ Beshere, Ode, Shama, Shilesha, Itrane ne Beyera.

³⁸ Bana ba balume ba Itrane badi: Yefune, Pishepa ne Era.

³⁹ Bana ba balume ba Ula badi: Ara, Aniyele ne Rishiya.

⁴⁰ Bantu bonsu aba, ndelanganyi ya Ashere, bavua bamfumu ba meku ne bilobu, bavua bamanye mua kulombola bantu bimpe. Tshisamba etshi tshivua mua kufila bantu bavua mua kuluangana mvita 26.000, bilondeshile bungi bua mena a bantu avuabu bafunde mu mikanda.