Yobe 24 - Mukanda wa Nzambi Dihungila Dikulukulu ne Dihungila Dihia-dihia 2003

Yobo Udi Utontolola ne, Nzambi Kena Ukengesha Bantu Babi

¹ Bualu kai Wa Bukole Buonso kena uteka bikondo bia kulumbuluisheye bantu? Bualu kai badi bamumanye kabena bamona matuku andi?

² Bakuabo badi bumusha mikalu; badi biba bisumbu bia mikoko ne badi bayidisha mu madimi abo a mashinde.

³ Badi banyenga nyama wa mpunda wa muanʼa nshiya; badi bangata ngombe wa mukashi wa mu lufuila bu tshieya.

⁴ Badi basesuisha hakengi mu nshila ku bukole; bahele bonso ba ha buloba badi basokoma.

⁵ Bulelela, bu mudi nyama ya mpunda ya mu tshisuku yendakana mu tshihela, bobo badi baluhuka bua kuya ku mudimu wabo, bakebakeba bia kudia; tshihela tshidi tshibameneshila bia kudia bua bana bakalelabo.

⁶ Badi bahuolela bimuna bia kudia bidi bishala mu budimi, badi bahumbulula tumuma tua nvinyo mu budimi bua muenji wa malu mabi.

⁷ Badi balala butaka butuku bujima kabayi ne tshilulu, kabayi ne tshia kudibuikila nʼatshi bua mashika.

⁸ Badi baboleshibua ku nvula ya ku mikuna, badi buhukila mabue bituha bualu bua kabena ne tshinyemenu tshikuabo.

⁹ Bakuabo badi bumusha muanʼa nshiya ku dibele, ne badi banyenga tshitalu tshia muhele bu tshieya.

¹⁰ Nunku bahele badi bendakana butaka; badi ne nzala, kadi badi batuala bisumbu bia blé.

¹¹ Badi baka ma mafuta mu mpangu ya bantu aba; badi hadiata tumuma tua nvinye mu bikaminu biabo badi ne nyota.

¹² Mu musoko mudi munvuika mikemu ya bantu bafuafua, ne mutshima wa muntu mutahibue mputa udi usasabala; kadi Nzambi udi ulengulula malu mabi au.

¹³ Aba mbantu badi batombokela munya; kabena bamanye nshila yau, ne kabena bananukila kuenda mu nshila yau.

¹⁴ Mushihianganyi udi ubika hahatuka diba, yeye udi ushiha bahele ne bakengi; mu butuku yeye udi bu muibi.

¹⁵ Mesu a muena masandi adi indila kajimbʼa buenyi, yeye udi wamba ne, Kakuena disu dilualua kummona. Udi usokoka mpala wandi ne tshilulu tshikudika.

¹⁶ Bibi badi batubula nsubu masoso butuku; mu munya badi badinshidila mu nsubu yabo; kabena bamanye munya.

¹⁷ Bualu bua mundankulu mudi bu dinda kudibo bonso, bua bobo badi bamanye malu a mundankulu adi akuatshisha bantu buowa.

¹⁸ Bantu babi badi bahueka lubilu, balelema ha mutu ha mai; badi bela buhianyi buabo mulau ha buloba. Kabena bahingana kabidi mu madimi a tumuma tua nvinyo.

¹⁹ Munanga ne luya lukole bidi bikamisha mai a ku neige; muomumue, Muaba wa Bafue udi unyenga bantu bakuenza bibi.

²⁰ Difu dia muledi wandi didi dimuhua muoyo; tshikusu tshidi tshimudia ne disanka; bantu kabena bamuvuluka kabidi; bubi budi butshibudibue bu mutshi.

²¹ Udi udia bintu bia mukashi wa nkumba udi kayi ne muana, kena wenzela mukashi wa mu lufuila bimpe.

²² Nzambi udi ulehesha matuku a muoyo wa muntu mukole ku bukole buandi; badi kabayi ne ditekemena dia muoyo badi bajuka.

²³ Nzambi udi ubaha ditekemena, ne badi bajadikibuamu; mesu andi adi atangila nshila yabo.

²⁴ Badi batumbishibua tshituha tshihi, badi bajimine; badi bahuekeshibua, badi bumushibua mu nshila bu bakuabo. Badi babakosa bu mudibo bakosa miehu ya mponda.

²⁵ Bikala bualu ebu kabuyi nunku, nganyi neantuishe ne, Udi ushima? Nganyi neandeshe ne, Mei ebe adi a hatuhu?