Yirmeya 17 - Mukanda wa Nzambi Dihungila Dikulukulu ne Dihungila Dihia-dihia 2003

Bubi bua Bena Yuda Budi Kabuyi Bumuka

¹ Bubi bua ba mu Yuda budi bifundibue ne tshiamu tshia kutaha nʼatshi maleta ne ku lusongo lua dibue dia diamant; budi butahibue ha dibue dia mu mitshimai yabo ne ha nsengu ya bioshelu biabo.

² Bana bakalelabo kabidi badi bavuluka bioshelu biabo ne Bashela babo badi hehi ne mitshi mibishi idi ha mikuna mile.

³ Wewe, mukuna wanyi wa mu mpata, nenfile biuma biebe ne bintu biebe bionso bia mushinga mukole bia mu maloba ebe onso kudi bakuabo bu bintu biakunyengabo ne bitendelelu bia ha mikuna kabidi, bualu bua bubi buebe.

⁴ Wewe nkayebe neulekele kulama buhianyi bunakukuha; nenkuenzeshe bua wewe kukuatshila badi nʼebe lukuna mudimu mu buloba bûdi kuyi mumanye; bualu bua nsola tshiji tshianyi bu kahia kadi kosha tshiendelele.

⁵ Yehowa udi wamba ne, Mulau udi ukuata muntu udi weyemena bantu, udi uvuisha bantu bu diboko diandi dia bukole, ne udi umusha mutshima wandi kudi Yehowa.

⁶ Bualu bua yeye neikale bu mutshi wa tshianana wa mu tshihela tshia lusenga, kena umona halua bualu buimpe kudiye, kadi neashikame anu mu miaba yakoshabo mu tshihela, mu buloba budi ne luehu kabuyi ne bantu badi bashikamemu.

⁷ Muntu udi weyemena Yehowa ne udi ubala Yehowa nkayandi bu tshieyemenu tshiandi, udi ne disanka.

⁸ Bualu bua yeye neikale bu mutshi mukunyibue hehi ne mai, udi utuma miji yau ku mai a musulu, udi kauyi utshina halua munya mukole, kadi mabeshi au neashale mabishi; kawena uhohoka mabeshi mu tshidimu tshia munanga, kawena uhanga kukuama mamuma.

⁹ Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

¹⁰ Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

¹¹ Bu mudi nkuadi usangisha bana badiye kayi mutoye, mbu mudi muntu uheta bubanji budiye wangata ku bienzedi bidi kabiyi bimpe; munkatshi mua matuku andi nebimushiye, ne kunshikidilu kuandi neikale muhote.

¹² Muaba wetu wa tshijila udi nkuasa wa butumbi mujadikibue ha mutu ha mukuna wa tshijila ku tshibangidilu.

¹³ Yehowa, wewe nditekemena dia Bena Isalele, bonso badi bakuhidia nebafuishibue bundu. Bantu badi bakulekela nebikale bu maleta mafunda ha buloba, bualu bua bakubenga Yehowa, mushimi wa mai a muoyo.

¹⁴ Yehowa, ungondahe bua meme nsangale kabidi; unsungile, bua meme nsungidibue; bualu bua wewe udi butumbi buanyi.

¹⁵ Mona, badi bankonka ne, Dî dia Yehowa didi hanyi? Dilue mpindiu!

¹⁶ Meme hanyi tshiakubenga kuikala mulami wa mikoko bua kukulonda; tshiakujinga dituku dia kukengesha bantu, mudi wewe mumanye! Mei akahatuka mukana muanyi akadi ku mpala kuebe.

¹⁷ Kuikadi kundi munkuatshishi wa buowa, wewe udi tshinyemenu tshianyi mu dituku dia dikenga.

¹⁸ Bantu badi bankengesha bafuishibue bundu kadi kuitabushi bua meme kufuishibua bundu; bobo batshinyishibue, kadi kuitabushi bua meme kutshinyishibua; ubavuishile dituku dia dikenga, ne ubabutule ne kubutuka kua misangu ibidi.

Badi ne Bualu bua Kujidila Mbingu ya Yehowa

¹⁹ Yehowa wakangambila ne, Ya biebe, wimane ku tshibi tshia ku musoko wa bantu banyi, kudi bakelenge ba Yuda babuelela ne kudibo bahatukila ne ku bibi bionso bia ku Yelushalema.

²⁰ Ubambile ne, Unvuai dî dia Yehowa, nuenu bakelenge ba Yuda, ne ba mu Yuda bonso, ne Bena Yelushalema bonso, badi babuelela ku bibi ebi.

²¹ Yehowa udi wamba ne, Binuasua kusungila mioyo yenu, kanutuadi bujitu dituku dia Lumingu, kanulu nʼabu ku bibi bia ku Yelushalema.

²² Kanuluhudi bujitu mu nsubu yenu dituku dia Lumingu, kanuenji mudimu; kadi nujidile dituku dia Lumingu, bu munakambila batatu benu.

²³ Kadi bobo kabakunvuila, kabakateleja matshu abo, kadi bakakolesha mitshimi yabo, bua kabunvu biabo, kabitabushi diyisha dianyi.

²⁴ Yehowa udi wamba ne, Binuananukila kungunvuila, bua kanubuedi mu bibi bia ku musoko eu ne bujitu dituku dia Lumingu, bua kujidila dituku dia Lumingu, bua kanuenjimu mudimu;

²⁵ mu diba adi bakelenge ne baminyampala babo badi bashikame mu nkuasa wa bunfumu wa Davidi nebabuele ku bibi bia musoko eu, benda mu makalu ne ha nyima ha tubalu; ne bobo ne bakelenge bana babo, bantu ba mu Yuda ne badi bashikame mu Yelushalema; musoko eu newikale ne bantu tshiendelele.

²⁶ Nebafume ku misoko ya Yuda ne ku miaba yonso idi minyunguluke Yelushalema, ne ku buloba bua Benyamina ne ku tshibanda ne ku luseke lua mikuna ne ku Sude, batuala milambu ya kuosha ha kahia, milambu ya munga mushindu, milambu ya bia kudia, musenga wa manananshi ne milambu ya kusakidila nʼai Nzambi, babuela nʼai mu nsubu wa Yehowa.

²⁷ Kadi binuahidia kungunvuila mu muanda eu wa kujidila dituku dia Lumingu, kanuyi badikande bua kutuala bujitu anyi kubuela nʼabu ku bibi bia ku Yelushalema dituku dia Lumingu, ka nentemeshe kahia ku bibi ebi, ne koko nekoshe nsubu ya banfumu ya mu Yelushalema, ne kakena kajima nansha.