Nehemya 12 - Mukanda wa Nzambi Dihungila Dikulukulu ne Dihungila Dihia-dihia 2003

Bakuidi ne Bena Lewi

¹ Aba mbakuidi ne Bena Lewi bakaya ne Zelubabela, muana wa Shealatiele, ne Yeshua: Selaya ne Yelemiya ne Ezela,

² Amalaya ne Maluki ne Hatusha,

³ Shekanya ne Lehuma ne Melemota,

⁴ ne Ido ne Ginetoi ne Abiya,

⁵ ne Miyamina ne Mâdaya ne Bilega,

⁶ ne Shemaya ne Yoyaliba ne Yedaya,

⁷ ne Salu ne Amoka ne Hilekiya ne Yedaya. Aba mbakuidi banene ne bana babo ba mu matuku a Yeshua.

⁸ Bena Lewi: Yeshua ne Binui ne Kadamiele ne Shelebaya ne Yuda ne Matanaya, yeye ne bana babo bakadi ku mutu kua kutendelela bua kusakidila nʼaku Nzambi.

⁹ Bakabukiya ne Uno, bana babo, bakadi ha buihi nʼabo mu midimu yabo.

¹⁰ Yeshua wakalela Yoyakima, ne Yoyakima wakalela Eleyashiba, ne Eleyashiba wakalela Yoyada,

¹¹ ne Yoyada wakalela Yonatana, ne Yonatana wakalela Yadua.

¹² Mu matuku a Yoyakima bakuidi bakadi ku mutu kua nsubu ya batatuʼabo: Melaya wa mu nsubu wa Selaya; Hananya wa mu nsubu wa Yelemiya;

¹³ Meshulama wa mu nsubu wa Ezela; Yehohanana wa mu nsubu wa Amalia;

¹⁴ Yonatana wa mu nsubu wa Maluki; Yosefe wa mu nsubu wa Shebanya;

¹⁵ Adena wa mu nsubu wa Halima; Helekai wa mu nsubu wa Melayota;

¹⁶ Zekâya wa mu nsubu wa Ido; Meshulama wa mu nsubu wa Ginetona;

¹⁷ Zikeli wa mu nsubu wa Abiya; Piletai wa mu nsubu wa Minyamina wa Moadiya;

¹⁸ Shamua wa mu nsubu wa Bilega; Yehonatana wa mu nsubu wa Shemaya;

¹⁹ Matenai wa mu nsubu wa Yoyaliba; Uzi wa mu nsubu wa Yedaya;

²⁰ Kalai wa mu nsubu wa Salai; Ebê wa mu nsubu wa Amoka;

²¹ Hashabeya wa mu nsubu wa Hilekiya; Netanele wa mu nsubu wa Yedaya.

²² Bena Lewi bakadi ku mutu kua nsubu ya batatuʼabo mu matuku a Eleyashiba ne Yoyada ne Yohanana ne Yadua; bakuidi kabidi bakadi nunku mu bukokeshi bua Dayawesha, Muena Pelasa.

²³ Bena Lewi bakadi ku mutu kua biota bia batatuʼabo bakadi ne mena abo mafunda mu mukanda wa kulondolola kua bankambua tô ne ku matuku a Yohanana, muana wa Eleyashiba.

²⁴ Bena Lewi banene bakadi Hashebeya ne Shelebaya ne Yeshua, muana wa Kadamiele, ne bana babo bakadi nʼabo bua kutumbishabo ne bua kusakidilabo Nzambi bu muakadi mukenji wa Davidi, muntu wa Nzambi, muntu mu muaba wandi muntu mu muaba wandi.

²⁵ Matanaya ne Bakabukiya ne Obadaya ne Meshulama ne Talemona ne Akuba bakadi batuadi ba majitu, bakalama bibutshilu biakadi hehi ne bibi.

²⁶ Bakadiku mu matuku a Yoyakima, muana wa Yeshua, muana wa Yozadaka, ne mu matuku a Nehemiya gouver-neur, ne a Ezela muakuidi ne mufundi.

Kujidila Kuabo kua Lumbu

²⁷ Hakajidilabo lumbu lua Yelushalema, bakabikila Bena Lewi bakadi ku nseke yonso, bakalua nʼabo ku Yelushalema bua kubakuatshishabo mu disanka dia kujidila kua lumbu ne bua kusakidilabo Nzambi ne bua kumutumbishabo ne misambu ne makasa ne bisanji ne nzenze.

²⁸ Bana balume ba bimbi ba misambu bakadisangisha hohamue, bafume ku nseke yonso yakadi minyunguluke Yelushalema ne ku misoko ya Bena Netofa,

²⁹ ne ku Bete-gilegala ne ku nseke ya Geba ne Azamaweta; bualu bua bimbi ba misambu bakasa misoko yabo minyunguluke Yelushalema.

³⁰ Bakuidi ne Bena Lewi bakadilengesha; bakalengesha bantu ne bibi ne lumbu kabidi.

³¹ Hashishe nakalua ne bantu banene ba mu Yuda ku lumbu, nakabatabulula mu bisumbu binene bibidi, bakenda mu milongo, basakidila Nzambi; tshisumbu tshimue tshiakaya ku tshianza tshia balume tshia ha lumbu tô ne ku tshibi tshia ku diala;

³² Hoshaya ne tshituha tshia bantu banene ba mu Yuda

³³ ne Azaya ne Ezela ne Meshulama

³⁴ ne Yuda ne Benyamina ne Shemaya ne Yelemiya

³⁵ ne bana ba bakuidi bakuabo bakabalonda ku nyima bela mpungi; Zekâya, muana wa Yonatana, muana wa Shemaya, muana wa Matanaya, muana wa Mikaya, muana wa Zaku, muana wa Asafa,

³⁶ ne bana babo Shemaya ne Azalele ne Milalai ne Gilalai ne Mai ne Netanele ne Yuda ne Hanani bakabalonda ku nyima ne bintu bia kuimba nʼabi misambu bia Davidi muntu wa Nzambi; Ezela mufundi wakadi ku mpala kuabo.

³⁷ Bakayila ku luseke lua ku tshibi tshia ku mpokolo wa mai, bakabanda ku tshibandilu tshia ku musoko wa Davidi ha lumbu ba mutu ha nsubu wa Davidi tô ne ku tshibi tshia ku mai ku luseke lua ku esete.

³⁸ Tshisumbu tshiabo tshikuabo tshiakadi tshienda tshisakidila Nzambi, tshiakaya kusangakena nʼabo; meme nakadi ku nyima kuabo ne tshituha tshia bantu ha lumbu ku mutu kua tshibumba tshia matanda tô ne ku lumbu lunene mene,

³⁹ ha mutu ha tshibi tshia Efelayima ne hehi ne tshibi tshia diambedi ne tshibi tshia ku luseke lua minyinyi ya mu mai ne tshibumba tshia Hananele ne tshibumba tshia Hamea tô ne ku tshibi tshia mikoko; bakimana talalâ ku tshibi tshia balami ba musoko.

⁴⁰ Nunku bîsumbu abi bibidi bia bimbi ba misambu biakimana mu nsubu wa Nzambi; meme ne tshituha tshia bantu banene tuakadiku,

⁴¹ ne bakuidi Eleyakima, Mâseya, Minyamina, Mikaya, Eleyehoenai, Zekâya ne Hananya bakadi ne mpungi,

⁴² ne Mâseya ne Shemaya ne Eleazâ ne Uzi ne Yehohanana ne Malakiya ne Elama ne Ezê. Bimbi ba misambu bakimba bikole ne Yizelaya wakadi ku mutu kuabo,

⁴³ Bakafila milambu ya bungi dituku adi, bakasanka, bualu bua Nzambi wakabasankisha ne disanka dinene; bakashi ne bana bakasanka kabidi; nunku bakunvua disanka dia mu Yelushalema kudi bakadi kule.

Bintu Biakahetabo kudi Bakuidi ne Bena Lewi

⁴⁴ Mu dituku adi bakasungula bantu bua kulamabo nsuhu ya bibutshilu ne bua kufilabo milambu ya kukuha ne ya mamuma a diambedi akahuolabo ne ya tshia dikumi, bua kubisangishabo mu madimi a ku mpenge ya misoko, bituha biakasuagulabo bia bakuidi ne Bena Lewi; bualu bua Bena Yuda bakasanka bua bakuidi ne Bena Lewi bakadi bakuata mudimu.

⁴⁵ Bakatumikila; mikenji ya Nzambi waho ne ya kudilengesha kuabo; bimbi ba misambu ne batuadi bakenza nunku, bu muakadi mukenji wa Davidi ne muanʼandi Solomo.

⁴⁶ Bualu bua mu matuku a kale a Davidi ne Asafa bakadi ne bantu banene ku mutu kua bimbi ba misambu ne misambu ya kutumbisha ne kusakidila nʼai Nzambi.

⁴⁷ Mu matuku a Zelubabela ne Nehemiya Bena Isalele bonso bakafila bintu bua bimbi ba misambu ne bua batuadi bia ku dituku ne ku dituku; bakabanyangana ne Bena Lewi bintu biabo kabidi; Bena Lewi bakaha bana ba Alona tshituha tshia bintu biabo.