Misambu 94 - Mukanda wa Nzambi Dihungila Dikulukulu ne Dihungila Dihia-dihia 2003

Badi Balomba Disombuela

¹ Wewe Yehowa, Nzambi wa disombuela, wewe, Nzambi wa disombuela, utemene biebe!

² Udijule, wewe mulumbuluishi wa ba ha buloba; ufute bena dihetu difutu bu mudi bienzedi biabo.

³ Yehowa, bantu babi nebenze nunku musangu bule munyi? Bantu babi nebatumbe musangu bule munyi?

⁴ Badi bavudisha mei abo, badi bamba mei a diambu; benji ba malu mabi bonso badi baditumbisha.

⁵ Badi batshibula bantu bebe bituha, Yehowa, badi bakengesha ba mu buhianyi buebe.

⁶ Badi bashiha mukashi wa mu lufuila ne muenyi, badi bashiha bana ba nshiya.

⁷ Badi bamba ne, Yehowa kena umona malu etu; Nzambi wa Yakoba kena ubala malu â.

⁸ Elanganai meji a bualu ebu, nuenu badi bajibale munkatshi mua bantu! Nuenu bantu bahote, nenulue bena meji dituku kai?

⁹ Yeye wakasa ditshu, kena unvua biandi, anyi? Yeye wakafuka disu, kena umona, anyi?

¹⁰ Yeye udi uha bantu lungenyi, yeye udi uyisha ba mu bisamba bia bantu, kena mua kubabela ne mitutu, anyi?

¹¹ Yehowa udi mumanye meji adi muntu wela ne, Adi anu muhuya.

¹² Yehowa, disanka didi kudi muntu ûdi wewe ukengesha, ûdi wewe uyisha ne diyisha dia ku mikenji yebe

¹³ bua kumuha biebe ditalala, bua yeye katatshi biandi mu matuku a dikenga, tô ne humbuilabo bantu babi dijimba.

¹⁴ Bualu bua Yehowa kena wihata bantu bandi, kena ulekela ba mu buhianyi buandi.

¹⁵ Bualu bua dilumbulula diakane nedihingane kudi badi bakane, ne bonso badi ne mitshima miakane nebadilonde.

¹⁶ Wajuka bua bualu buanyi bua kutantamena bantu babi nganyi? wadimanyika bua bualu buanyi bua kutantamena benji ba malu mabi nganyi?

¹⁷ Bu Yehowa kayi muikale mukuatshishi wanyi, muoyo wanyi wakuamba kufua.

¹⁸ Hanakamba ne, Dikasa dianyi didi diselemuka, luse luebe lujalame, Yehowa, luakangimanyika.

¹⁹ Mu divulangana dia matata munda muanyi, masamba ebe adi asankisha mutshima wanyi.

²⁰ Bakokeshi babi badi bahangidisha malu mabi adi alonda mikenji yabo, ba mu tshilumbuluidi tshia malu mabi badi mua kudisangisha nʼebe hamue, anyi?

²¹ Badi belela mioyo ya bantu bakane tshifufu, badi bahisha badi kabayi ne bualu.

²² Kadi Yehowa wakulua tshibumba tshianyi tshile, Nzambi wanyi udi dibue dianyi dia tshinyemenu.

²³ Yeye ueabahingashile malu mabi abo, neabajimishe bua malu mabi abo; Yehowa Nzambi wetu neabajimishe.