Misambu 87 - Mukanda wa Nzambi Dihungila Dikulukulu ne Dihungila Dihia-dihia 2003

Masanka a Kuikala mu Siona

¹ Bishimikidi bia musoko wandi bidi mu mikuna ya tshijila.

² Yehowa udi unanga bibuelelu bia ku Siona ne dinanga dihite didiye nʼadi ku miaba yonso idi Yakoba muikale.

³ Badi bamba malu a kukutumbisha nʼau, wewe musoko wa Nzambi.

⁴ Ndi mela dina dia Lahaba ne dia Babulona munkatshi mua badi bammanye. Monai, Peleshete ne Tulo, ne Atiopa kabidi — eu wakaledibua mu musoko au.

⁵ E, nebambe dî edi bualu bua Siona ne, Bakalela muntu eu ne muntu wawa munkatshi muau; bualu bua Mutambe Bunene wa mu diulu neajadike.

⁶ Yehowa neababale bu bandi, hafundeye mena a bantu, ne, Eu wakaledibua mu musoko au.

⁷ Badi bimba misambu ne badi baja maja badi bamba ne, Mishimi yanyi ya mai yonso idi munkatshi muenu.