Misambu 82 - Mukanda wa Nzambi Dihungila Dikulukulu ne Dihungila Dihia-dihia 2003

Badi Bababela bua Kulumbulula Kukonyangale

¹ Nzambi udi udimanyika mu muaba wandi wa disangisha dia Nzambi, udi ulumbulula bilumbu munkatshi mua nzambi mikuabo.

² Nenulumbuluile bilumbu ne kulumbulula kubi, nenunemeke mpala ya bantu babi, musangu bule munyi.

³ Nulumbulule bantu batekete ne bana ba nshiya ne kulumbulula kuakane; ulumbuluile badi ne dikenga ne badi bakengela bintu bua kubabingisha.

⁴ Nusungile bantu batekete ne bahele, nubahandishe mu bianza bia bantu babi.

⁵ Kabena bamanye, kabena bajingulula malu; badi bendakana eku ne eku mu midima. Bishimikidi bionso bia buloba bidi bikankishibue.

⁶ Meme nakamba ne, Nudi nzambi, buonso buenu nudi bana ba balume ba Mutambe Bunene wa mu diulu.

⁷ Kadi nenufue bu bantu bakuabo, nenuhone hanshi bu mukokeshi yonso.

⁸ Nzambi, bika biebe, ulumbuluishe ba ha buloba; bualu bua wewe neuhiane bisamba bionso bia bantu.