Misambu 65 - Mukanda wa Nzambi Dihungila Dikulukulu ne Dihungila Dihia-dihia 2003

Kutumbisha Nzambi bua Bubanji Budi mu Bifukibua Bionso

¹ Nzambi, kukutumbisha kudi kukuindila talalâ mu Siona; nebakushikishile wewe mitshihu.

² Wewe udi unvua milombu, bukua bantu bonso nebufike kûdi.

³ Malu a dihambuka dianyi adi antamba bukole; wewe udi umbuikidila matomboka etu.

⁴ Disanka didi kudi muntu udi usungula ne ûdi ufikisha hehi nʼebe, bua ashikame mu biendelu bia tshitendelelu tshiebe! Tuetu netuikale ne mitshima mitalale bua buimpe bua nsubu webe, ntempelo webe wa tshijila.

⁵ Wewe utu witaba kutudi mu buakane ku bienzedi biebe bidi bikuatshilu bantu buowa, wewe Nzambi wa luhandu luetu, wewe ntshieyemenu tshia bonso ba kunfudilu kua buloba, ne tshia badi benda ha mai manene adi atamba kule.

⁶ Wewe nyeye wakujadika mikuna ku bukole buebe, udi ne bukole bunyunguluka nseke yonso.

⁷ Udi ukolesha tshiono tshia mai manene, ne tshiono tshia mavuala au, ne mutoyi wa bantu.

⁸ Badi bashikame mu nseke ya kunfudilu kua buloba badi batshina hamonabo bimanyinu biebe. Wewe udi welesha dihatuka dia diba ne dibuela diadi mbila ya disanka.

⁹ Udi ulua kumona buloba, udi ubulokeshila nvula, udi ubumeneshila bia kudia bia bungi, musulu wa Nzambi udi mule tente ne mai, udi ubakuamishila blé, bualu bua wakubulongolola nunku.

¹⁰ Udi ulokeshila mikidi ya mabula nvula ya bungi, udi ulandakasha mabula, udi utekesha buloba ne nvula idi iloka bitekete, udi uvudishila bidi bimenamu disanka.

¹¹ Udi unyunguluka tshidimu tshia buimpe buebe ne tshifulu tshia butumbi; nshila yebe idi tente ne bia mu madimi ebe.

¹² Bidi bimata mu mpata idi imena mashinde, mikuna mihi idi minyunguluke ne disanka.

¹³ Miaba idi mashinde idi miule tente ne bisumbu bia mikoko, bibanda bidi bidibuikile ne blé; bidi biela mbila ya disanka, bidi bimba misambu kabidi.