Misambu 24 - Mukanda wa Nzambi Dihungila Dikulukulu ne Dihungila Dihia-dihia 2003

Mukelenge wa Butumbi

¹ Buloba budi bua Yehowa ne tshiuwidi tshiabu, buloba buine ne badi bashikamamu.

² Bualu bua yeye wakabushikika ha mai manene, wakabujadika ha misulu ya mai.

³ Wabanda mukuna wa Yehowa nganyi? Wimana mu muaba wandi wa tshijila nganyi?

⁴ Nyeye udi ne bianza bidi kabiyi bienza bualu bubi ne udi ne mutshima mutoke, udi kayi mubandishile muoyo wandi ku malu a mashimi, udi kayi muditshihe mitshihu bua kudingeye nʼai.

⁵ Yeye neangate disanka diamuvudishilabo kudi Yehowa, ne buakane budi Nzambi wa luhandu luandi umubingisha nʼabu.

⁶ Aba mbantu ba mu tshikondo etshi badi bamukeba, badi bakeba mpala webe, wewe Nzambi wa Yakoba.

⁷ Ambulai mitu yenu, nuenu bibi bia musoko; banuambule, nuenu bibi bia kale, bua Mukelenge wa Butumbi abuelemu!

⁸ Mukelenge wa butumbi nganyi? NYehowa, udi ne dikanda ne bukole buhite, Yehowa udi mukole mu nvita!

⁹ Ambulai mitu yenu, nuenu bibi bia musoko! E, banuambule, nuenu bibi bia kale, bua Mukelenge wa Butumbi abuelemu.

¹⁰ Mukelenge eu wa butumbi nganyi? NYehowa wa misumba, Yeye udi Mukelenge wa Butumbi!