Misambu 133 - Mukanda wa Nzambi Dihungila Dikulukulu ne Dihungila Dihia-dihia 2003

Masanka Adi Mafume ku Buobumue

¹ Monai, bidi bitamba buimpe ne bia disanka bua bukua bantu badikunguishe hamue ne mutshima umue!

² Bidi bu manyi a mushinga mukole medibue ha mutu, ahuekela ha muedi, ha muedi wa Alona mene, ahuekela tô ne ha mubangu wa ha mutu ha bivualu biandi.

³ Bidi bu mume wa ku mukuna wa Hêmona, udi uhuekela ha mikuna ya Siona. Bualu bua Yehowa wakavudishilaku bantu disanka, disanka mene dia muoyo tshiendelele.