Misambu 128 - Mukanda wa Nzambi Dihungila Dikulukulu ne Dihungila Dihia-dihia 2003

Disanka dia Udi Utshina Yehowa

¹ Disanka didi kudi muntu yonso udi unemeka Yehowa, udi wenda mu nshila yandi!

² Bua wewe neudie bia kudia biwakukuatshila mudimu ku bianza biebe; newikale ne disanka, newikale ne diakalengele.

³ Mukashi webe neikale bu muonshi wa tumuma udi ukuama bimpe munda mua nsubu muebe. Bana bebe baledibue nebikale bu ntonga ya mitshi ya olive, banyunguluke mesa ebe.

⁴ Mona, adi ndisanka dia muntu udi unemeka Yehowa.

⁵ Yehowa akuvudishile disanka difume mu Siona! Umone biebe diakalengele dia Yelushalema matuku onso a muoyo webe.

⁶ E, umone biebe bana ba bana bebe baledibue. Ditalala dikale kudi Bena Isalele!