Misambu 126 - Mukanda wa Nzambi Dihungila Dikulukulu ne Dihungila Dihia-dihia 2003

Badi Basakidila Nzambi bua Diumuka dia mu Buhika

¹ Hakakudimuna Yehowa buhika bua Siona bua kuhingashamu bantu bandi, tuakadi bu badi balota tshilota.

² Mu diba adi mukana muetu muakadi mûle tente ne tuseku ludimi luetu luakûla tente ne mbila ya disanka. Mu diba adi bakambila ngana munkatshi mua bisamba bia bantu ne Yehowa wakabenzela malu manene.

³ Yehowa wakatuenzela malu manene; tudi ne disanka.

⁴ Yehowa, ukudimune buhika buetu bua kutuha diakalengele; bu mûdi ûsha misulu ya mai mu Luseke lua Sude.

⁵ Badi bamiamina maminu ne binsonshi ku mesu nebahuole bia kudia ne mbila ya disanka.

⁶ Udi uya biandi, wenda udila, mutuale maminu bua kukuna, neahingane bulelela ne mbila ya disanka, mutuale bisumbu biandi bia blé.