Misambu 124 - Mukanda wa Nzambi Dihungila Dikulukulu ne Dihungila Dihia-dihia 2003

Kutumbisha Nzambi bua Dihandisha dia mu Bianza bia Bena Lukuna

¹ Yehowa kayi muikale ku luseke luetu, ba mu Isalele bambe nunku ne,

² Bu Yehowa kayi muikale ku luseke luetu, hakajuka bantu bua kutuluisha,

³ ha diba adi bakadi kutumina, tuetu batshikale ne muoyo, hakadi tshiji tshiabo tshitema bua kutuosha;

⁴ ha diba adi mai akadi kuhita ha mitu hetu, musulu mûla wakadi kuhita ha mutu ha mioyo yetu;

⁵ ha diba adi mai matambe kûla akadi kuhita ha mutu ha mioyo yetu.

⁶ Yehowa asankishibue, udi kayi mutufile kudibo bu tshintu tshia kukuatabo ku menu.

⁷ Mioyo yetu yakuhanduka bu mudi nyunyu uhanduka mu buteyi bua bilembi. Buteyi buakutshibuka, tuakuhanduka.

⁸ Dikuatshisha dietu didi mu dina dia Yehowa wakafuka diulu ne buloba.