Misambu 121 - Mukanda wa Nzambi Dihungila Dikulukulu ne Dihungila Dihia-dihia 2003

Yehowa Udi Mulami Webe

¹ Ndi mbandisha mesu anyi ku mikuna mile. Dikuatshisha dianyi didi difuma kudi kunyi?

² Dikuatshisha dianyi didi difuma kudi Yehowa, wakafuka diulu ne buloba.

³ Yeye kena witabusha bua dikasa diebe diselemuke; utu wakinama kena ulala tulu.

⁴ Mona, udi ulama Bena Isalele kena ulala tulu, kena ubunga tulu.

⁵ Yehowa udi mulami webe; Yehowa udi dileshi diebe ku tshianza tshiebe tshia balume.

⁶ Diba kadiena dikuenzela bualu mu munya, nansha ngondo mu butuku.

⁷ Yehowa neakulame ku malu makole onso; yeye nealame muoyo webe.

⁸ Yehowa neakulame hawahatuka ne hawabuela, ku dituku edi tô ne tshiendelele.