Misambu 113 - Mukanda wa Nzambi Dihungila Dikulukulu ne Dihungila Dihia-dihia 2003

Badi Batumbisha Nzambi bualu bua Wakabandisha Badi Badihuekesha

¹ Tumbishai Yehowa! Nuenu bantu ba Yehowa, mutumbishai bienu, tumbishai dina dia Yehowa!

² Dina dia Yehowa divudishibue disanka ku dituku edi tô ne tshiendelele.

³ Ku dihatuka dia diba tô ne ku dibuela diadi dina dia Yehowa didi ne bualu bua kutumbishibua.

⁴ Yehowa udi mulu ku mutu kua bisamba bionso bia bantu, butumbi buandi budi ku mutu kua bidi mu diulu.

⁵ Udi bu Yehowa wetu nganyi, udi ne nkuasa wandi mulu,

⁶ udi winangila hanshi bua kumona diulu ne buloba?

⁷ Udi ubisha muhele mu dinfuenkenya, udi ujula mukengi udi mushikame mu diala,

⁸ bua kumushikamisha munkatshi mua baminyampala, munkatshi mua bantu bandi baneme.

⁹ Udi ushikamisha mukashi udi nkumba mu nsubu, umuvuisha muledi wa bana udi ne disanka. Tumbishai Yehowa!