Misambu 112 - Mukanda wa Nzambi Dihungila Dikulukulu ne Dihungila Dihia-dihia 2003

Diakalengele dia Badi Batshina Yehowa

¹ Tumbishai Yehowa! Disanka didi kudi muntu udi unemeka Yehowa, udi usanka bikole bua mikenji yandi!

² Tunkanunuina tuandi netuikale ne bukitu bua bungi ha buloba; mulongo wa bantu bakane newikale ne disanka.

³ Luhetu ne bubanji bidi mu nsubu muandi; buakane buandi budiku tô ne tshiendelele.

⁴ Munya udi umueneka mu midima bua kutemena bantu bakane; Yehowa udi ne dinanga, udi ufuila bantu luse ne udi muakane.

⁵ Muntu udi ulesha bantu luse ne udi ubasombesha bintu udi ne disanka, udi ulonda malu andi anu ha muanda.

⁶ Bualu bua kabena bamunyungisha tshiendelele, nebavuluke muntu muakane kashidi.

⁷ Kena utshina ngumu mibi; mutshima wandi udi mushindame, udi weyemena Yehowa.

⁸ Mutshima wandi udi mukole, kena utshina, tô ne hamoneye bualu budiye musue bukuate bena lukuna bandi.

⁹ Yeye wakuabanya bintu, wakuhesha bahele bintu; buakane buandi budiku tô ne tshiendelele; lusengu luandi nelubandishibue mu butumbi.

¹⁰ Muntu mubi neatangile muanda eu, neakuatshike kanyinganyinga; neasumakane menu, neajimine. Disua dia bantu babi nedijimine.