Genese 29 - Mukanda wa Nzambi Dihungila Dikulukulu ne Dihungila Dihia-dihia 2003

Yakoba Udi Ukuatshila Labana Mudimu bua Kuheteye Lakele ne Lea

¹ Yakoba wakaya ku luendu luandi wakateka ku buloba bua bantu ba ku esete.

² Wakabandisha mesu andi, wakamona dina dia mai mu budimi ne bisumbu bia mikoko bisatu biakadi bilalaku, bualu bua bakadi banuishaku mikoko, ne dibue dinene diakadi ku mushiku wa dina dia mai.

³ Bakadi basangisha bisumbu bia mikoko bionso kunoko, bakumusha dibue diakadi ku mushiku wa dina, bakanuisha mikoko mai, bakahingasha dibue dia ku mushiku wa ku muaba wadi.

⁴ Yakoba wakabebesha ne Bakuetu, nuakufuma kudi kunyi? Bakamukudimuna di ne, Tudi ba ku Halana.

⁵ Yeye wakabebesha kabidi ne, Nudi bamanye Labana, muana wa Naho, anyi? Bakamukudimuna ne, Tudi bamumanye.

⁶ Yeye wakabebesha ne, Yeye udi ne bukole, anyi? Bobo bakamuitaba ne, E, yeye udi ne bukole, ne tangila, muanʼandi wa bakashi, Lakele, ulualua ne mikoko.

⁷ Yeye wakamba ne Monai, diba ditshidi mulu, kandiba dia kusangisha bimuna nansha, nuishai mikoko mai, yai bienu nuyidishe.

⁸ Bakamukudi muna di ne, Nansha, katuena bamanye mua kuenza nunku, anu hatuasangisha mikoko yonso ne humushabo dibue ku mushiku wa dina, hashishe netunuishe mikoko mai.

⁹ Hakadiye uyikila nʼabo, Lakele wakalua ne mikoko ya tatu andi, bualu bua yeye wakadi muyilame.

¹⁰ Hakatangila Yakoba Lakele, muana wa Labana, muanʼabo wa balume ne mamu andi, ne mikoko ya Labana muanʼabo wa balume ne mamu andi, Yakoba wakasemena ha buihi, wakumusha dibue diakadi ku mushiku wa dina, wakanuisha mikoko ya Labana, muan abo wa balume ne mamuʼandi.

¹¹ Yakoba wakatuangana ne Lakele mishiku wakabandisha di diandi, wakadia.

¹² Yakoba wakambila Lakele ne, Ndi muan abo ne tatu ebe, ndi muana wa Lebeka, Lakele wakaya lubilu, wakamanyisha tatu andi.

¹³ Hakunvua Labana lumu lua Yakoba muana wa muan abo mukashi, yeye wakaya lubilu bua kumuakidila, wakamuhukila, wakatuangana nʼandi mishiku, wakalua nʼandi ku nsubu wandi Yeye wakambila Labana malu onso

¹⁴ Labana wakamuambila ne Bulelela, wewe udi mufuba wanyi ne musunyi wanyi Yeye wakashala nʼandi to ngondo mujima.

¹⁵ Labana wakambila Yakoba ne, Bualu bua wewe udi muanʼetu wa balume, bidi bimpe wewe unkuatshile mudimu tshianana, anyi? Ungambile, difutu diebe nedikale tshinyi?

¹⁶ Labana wakadi ne bana bakashi babidi dina dia muan a bute diakadi Lea, ne dina dia mukunyʼandi diakadi Lakele.

¹⁷ Lea wakadi ne mesu a bulengu, kadi Lakele wakadi muimpe mubidi ne mpala wandi.

¹⁸ Yakoba wakananga Lakele, yeye wakambila Labana ne, Nenkukuatshile mudimu bidimu muanda mutekete bualu bua muanʼebe muana wa bakashi muanʼa mukala

¹⁹ Labana wakamuambila ne, Bualu bua meme kumufila kudi budi butamba bua meme kumufila kudi mulume mukuabo ushale nʼanyi.

²⁰ Yakoba wakamukuatshila mudimu to bidimu muanda mutekete bualu bua Lakele, ne bidimu ebi biakadi bu anu matuku makese bualu bua dinanga diakamunangeye nʼadi.

²¹ Yakoba wakambila Labana ne, Umpe mukashi wanyi, bualu bua matuku anyi akukumbana bua meme kuikala nʼandi.

²² Labana wakasangisha bantu bonso bakadiye nʼabo, wakabalambishila bidia bia dibanji.

²³ Hakila butuku yeye wakangata Lea, muanʼandi wa bakashi, wakamufila kudiye, ne yeye wakabuela nʼandi mu nsubu.

²⁴ Labana wakafua Zilepa, muena mudimu wandi wa bakashi, kudi Lea muanʼandi wa bakashi bu muena mudimu wandi wa bakashi.

²⁵ Hakatshia butuku Yakoba wakamona ne Lea wakambila Labana ne, Bualu ebu buwakungenzela budi munyi? Tshiakukukuatshila mudimu bualu bua Lakele, anyi? Wakundinga nunku bua tshinyi?

²⁶ Labana wakamuambila ne, Kabena benza nunku mu buloba buetu, katuena tufila muanʼa mukala ku dibaka diambedi mukuluʼandi kayi muanze kuya.

²⁷ Ushikishe lumingu lua muana eu, hashishe, netukuhe muana mukuabo kabidi biwankuatshila mudimu bidimu muanda mutekete bikuabo.

²⁸ Yakoba Wakenza nunku, wakashikisha lumingu luandi, ne yeye wakamuha Lakele bu mukashi wandi

²⁹ Labana wakafua Bileha, muena mudimu wandi wa bakashi, kudi Lakele bu muena mudimu wandi wa bakashi.

³⁰ Yeye wakaya kudi Lakele kabidi, wakatamba kunanga Lakele ku mpala kua Lea, yeye wakakuatshila Labana mudimu bidimu muanda mutekete bakuabo.

Bana Baledibue kudi Yakoba

³¹ Hakatangila Yehowa ne Lea wakadi mubengibue, yeye wakamulelesha bana, kadi Lakele wakadi nkumba.

³² Lea wakimita difu, wakalela muana wa balume, wakamuidika dina ne, Lubena, bualu bua yeye wakamba ne, Yehowa wakatangila dikenga dianyi, ne katataka bayanyi neansue.

³³ Wakimita difu dikuabo, wakalela muana wa balume, yeye wakamba ne Bualu bua Yehowa wakumpa ne meme ndi mubengibue, nunku yeye wakumpa muana eu mukuabo, wakamuidika dina ne, Shimeona.

³⁴ Wakimita difu dikuabo, wakalela muana wa balume, wakamba ne, Katataka bayanyi neandamate bualu bua nakumulelela bana ba balume basatu, nunku wakadika dina diandi ne, Lewi.

³⁵ Wakimita difu dikuabo, wakalela muana wa balume, wakamba ne, Katataka nentumbishe Yehowa, nunku wakidika dina diandi ne, Yuda, ne yeye wakalekela kulela.