Genese 28 - Mukanda wa Nzambi Dihungila Dikulukulu ne Dihungila Dihia-dihia 2003

¹ Isaka Wakabikila Yakoba wakamuvudishila disanka wakamudimusha ne, Kubaki mukashi wa bana bakashi ba Bena Kanana.

² Bika biebe, va ku Padana-alama ku nsubu wa Betuele tatu wa ma mu ebe wangataku mukashi wa bana bakashi ba Labana, muan abo wa balume ne mamuʼebe.

³ Nzambi wa Bukole Buonso akusankishe akukumbashe, akuvuishe bana ba bungi bua wewe ulue tshisumbu tshinene tshia bantu,

⁴ akuhe wewe ne tunkanunuina tuebe disanka dia Abalahama, bua wewe kuhiana buloba buakalaya Nzambi Abalahama.

⁵ Isaka wakatuma Yakoba yeye wakaya ku Padana-alama kudi Labana muana wa Betuele, Muena Alama muanʼabo wa balume ne Lebeka, mamu wa Yakoba ne Esau.

⁶ Esau wakamona hakasankisha Isaka Yakoba ne hakamutumeye ku Padana-alama bua kuangateye mu kashi kuakua, ne bu muakamuvudishila Isaka disanka ne muakamudimusheye ne, Kudiangatshidi mu kashi wa bana ba bakashi ba Bena Kanana

⁷ ne bu muakatumikila Yakoba di dia tatu wandi ne mamu wandi ne bû muakayeye ku Padana-alama.

⁸ Hakatangila Esau ne bana bakashi ba Bena Kanana kabakasankisha mutshima wa Isaka tatu andi,

⁹ Esau wakaya kudi Yishemaele, wakangata Mahalata muana mukashi wa Yishemaele muana wa Abalahama, wakadi muanʼabo wa bakashi ne Nebayota bu mukashi wandi, ha mutu ha bakashi bakadiye nʼabo.

Nzambi Udi Umueneka kudi Yakoba ku Betele

¹⁰ Yakoba wakabika ku Be-sheba wakaya mu nshila wa ku Halana

¹¹ Hakafikeye ku muaba mukuabo yeye wakalalaku butuku abu, bualu bua diba diakamana kubuela, yeye wakangata dibue diakadi ku muaba au, wakasamahu mutu wandi, waka lala tulu.

¹² Yeye wakalota tshiota, wakamona tshibandilu tshi shimika hanshi ne mutu watshi wakateka to ne mu diulu ne mona banjelo ba Nzambi bakadi babandahu, bahuekahu:

¹³ Wakamona ne Yehowa wakadi muimane ku mutu watshi, wamba ne Ndi bianyi Yehowa, Nzambi wa Abalahama, kaku webe ne Nzambi wa Isaka buloba budi ulalahu nenkuhebu wewe ne tunkanunuina tuebe.

¹⁴ Tunkanunuina tuebe netuikale bu dinfuenkenya dia buloba netumuangalale ku wesete ne ku esete ne ku nôde ne ku sude bisamba bionso bia ha buloba nebisanke bualu buebe ne bua tunkanunuina tuebe.

¹⁵ Mona, meme ndi nʼebe, nenkulame kuonso kuwaya nenkuhingashe ku buloba ebu kabidi, tshiena nkulekela tô ne hanashikisha kukuenzela malu onso anakukuambila.

¹⁶ Yakoba wakatabala ku tulu tuandi, wakamba ne Bulelela, Yehowa udi kunoko ne meme tshiakamanva bualu ebu.

¹⁷ Yeye wakatshina, wakamba ne Muaba eu ngua bualu bukole udi nsubu wa Nzambi ne bu mushiku wa diulu.

¹⁸ Yakoba wakabika ne dinda dionso, wakangata dibue diakadive musamehu mutu, wakadimanyika bu tshibumba wakela manyi ha mutu hadi.

¹⁹ Wakidika dina dia muaba eu ne Betele kadi diambedi dina dia musoko diakadi Luze.

²⁰ Yakoba wakaditshiha ne Bikala Nzambi nʼanyi, biandameye bimpe mu nshila mundi nya ne biampeye bintu bia kudia ne bia kuluata,

²¹ bua meme kuhingana kabidi ku nsubu wa tatu wanyi talala, hashishe Yehowa neikale Nzambi wanyi,

²² ne dibue edi dinakuimanyika nebikale bu nsubu wa Nzambi ne bintu bionso biwampa nempingashe tshia dikumi kudi bulelela.