Ezela 10 - Mukanda wa Nzambi Dihungila Dikulukulu ne Dihungila Dihia-dihia 2003

Badi Bumusha Bakashi Babo ba Bende ne Bana Babo ba Bende

¹ Hakadi Ezela utendelela, utondela bantu mibi, udila, udikuma hanshi ku mpala kua nsubu wa Nzambi, tshisumbu tshinene tshia Bena Isalele, ne balume ne bakashi ne bana, tshiakadisangisha kudiye; bantu bakadila bikole.

² Shekanya, muana wa Yehiele, umue wa bana balume ba Elama, wakambila Ezela ne, Tuakenzela Nzambi wetu bibi, bualu bua tuakabaka bakashi ba bende ba mu buloba ebu, kadi katataka ditekemena didi kudi Bena Isalele mu bualu ebu.

³ Tuhunge tshihungidi ne Nzambi wetu bua tuetu tûmushe bakashi aba bonso ne bana bakalelabo, bu mudi lungenyi lua mukelenge wanyi ne lua aba bonso badi bazakala ku mukenji wa Nzambi wetu; tuenze bualu ebu bu mukenji.

⁴ Juka biebe, bualu ebu budi kûdi, tuetu tudi nʼebe; wikale ne mutshima mukole, ubuenze.

⁵ Hashishe Ezela wakajuka, wakatshihisha bantu banene ba bakuidi ne Bena Lewi ne Bena Isalele bonso ne, Tuetu netuenze bu mu dî edi.

⁶ Bakaditshiha nunku. Ezela wakajuka ku mpala kua nsubu wa Nzambi, wakabuela mu nsubu wa Yehohanana, muana wa Eleyashiba; hakabueleyemu, kakadia, kakanua, bualu bua yeye wakajinga bua bualu bubi buakenza bantu bakumuka mu buhika.

⁷ Bakelela bantu bonso bakumuka mu buhika mu nseke yonso ya Yuda ne Yelushalema mukenji bua kudisangishabo ku Yelushalema;

⁸ ne yonso wahidia kulua mu matuku â asatu bu mudi mukenji wa bantu banene ne bakulu, nebamunyenge bintu biandi bionso, nebamutahulule munkatshi mua bantu bakumuka mu buhika.

⁹ Hashishe Bena Yuda bonso ne Bena Benyamina bonso bakadisangisha mu Yelushalema mu matuku a asatu; bakadisangisha nunku mu dituku dia makumi abidi dia ngondo wa tshitema; bantu bonso bakashikama mu muaba munene wakadi ku mpala kua nsubu wa Nzambi, bazakale bua bualu ebu ne bua nvula munene.

¹⁰ Ezela muakuidi wakajuka, wakabambila ne, Nuakuenza bibi, hanuakabaka bakashi ba bende, nunku nuakakumbasha kuhila kua Bena Isalele.

¹¹ Nunku nutonde mibi yenu kudi Yehowa, Nzambi wa bankambua benu, nuenze bu mudi disua diandi; nuditahulule kudi bena buloba ne kudi bakashi ba bende.

¹² Hashishe bantu bonso bakela dî dikole ne, Butudi nʼabu mbua kuenza malu onso awakutuambila.

¹³ Kadi bantu badi ba bungi ne etshi ntshikondo tshia nvula ya bungi, katuena bamanye mua kuimana ha bula; kemmudimu wa dituku dimue anyi wa matuku abidi; bualu bua tuakatamba kuenza bibi mu bualu ebu.

¹⁴ Nunku batusunguile bantu banene ba munkatshi mua tshisumbu tshietu, hashishe bonso aba bakabaka bakashi ba bende baye kudibo mu misoko yabo mu bikondo bidibo basungule; bakulu ne balumbuluishi ba musoko ne musoko baye nʼabo, tô ne hashikishabo bualu ebu bua kukudimuna tshiji tshikole tshia Nzambi wetu kutudi.

¹⁵ Anu Yonatana, muana wa Asahele, ne Yahezeya, muana wa Tikewa, bakabanga bualu ebu; Meshulama ne Shabetai, Muena Lewi, bakabakuatshisha.

¹⁶ Bantu bakumuka mu buhika bakenza nunku; bakasungula Ezela muakuidi ne bakuabo bakadi ku mutu kua biota bia batatu babo ne buonso buabo ku mena abo bakadi batahuluke, bakashikama mu dituku dia kumudilu dia ngondo wa dikumi bua kulongolola bualu ebu.

¹⁷ Hakafika dituku dia kumudilu dia ngondo wa kumudilu, bakashikisha malu a balume bonso bakadi babake bakashi ba bende.

¹⁸ Munkatshi mua bana ba bakuidi bakadi babake bakashi ba bende bakasangana bantu nunku: ba bana ba Yeshua, muana wa Yozadaka, ne bana babo Mâseya ne Eliezê ne Yaliba ne Gedaliya.

¹⁹ Bakabisha bianza biabo bua kuditshiha ne, Tuetu netûmushe bakashi betu; bakafila tshimpanga tshia mu bisumbu biabo bua dihila diabo.

²⁰ Ba bana ba Imê: Hanani ne Zebedaya.

²¹ Ba bana ba Halima: Mâseya ne Eliya ne Shemaya ne Yehiele ne Uziya.

²² Ba bana ba Pashû: Eleyehoenai ne Mâseya ne Yishemaele ne Netanele ne Yozabada ne Elasa.

²³ Ba Bena Lewi bakadi Yozabada ne Shimeyi ne Kelaya (udi Kelita kabidi) ne Petahiya ne Yuda ne Eliezê.

²⁴ Ba mu bimbi ba misambu: Eleyashiba. Ba batuadi ba bintu: Shaluma ne Teleme ne Uli.

²⁵ Ba Bena Isalele: ba bana ba Palosha: Lamaya ne Yiziya ne Malakiya ne Miyamina ne Eleazâ ne Malakiya mukuabo ne Benaya;

²⁶ ba bana ba Elama: Matanaya ne Zekâya ne Yehiele ne Abedi ne Yelemota ne Eliya;

²⁷ ba bana ba Zatu: Eleyehoenai ne Eleyashiba ne Matanaya ne Yelemota ne Zabada ne Aziza;

²⁸ ba bana ba Bebai; Yehohanana ne Hananya ne Zabai ne Atalai;

²⁹ ba bana ba Bani: Meshulama ne Maluki ne Adaya ne Yashuba ne Sheala ne Yelemota;

³⁰ ba bana ba Pahata-moaba: Adena ne Zelala ne Benaya ne Mâseya ne Matanaya ne Besalele ne Binui ne Manashe;

³¹ ba bana ba Halima: Eliezê ne Yishiya ne Malakiya ne Shemaya ne Shimeona,

³² Benyamina ne Maluki ne Shemaliya;

³³ ba bana ba Hashuma: Matenai ne Matata ne Zabada ne Elifelete ne Yelemai ne Manashe ne Shimei;

³⁴ ba bana ba Bani: Mâdai ne Amalama ne Wele,

³⁵ ne Benaya ne Bediya ne Keluhu,

³⁶ Wanya ne Melemota ne Eleyashiba,

³⁷ Matanaya ne Matenai ne Yâsu,

³⁸ ne Bani ne Binui ne Shimei,

³⁹ ne Shelemeya ne Natana ne Adaya,

⁴⁰ Makenadebai ne Shashai ne Shalai,

⁴¹ ne Azalele ne Shelemeya ne Shemaliya,

⁴² ne Shaluma ne Amalia ne Yosefe;

⁴³ ba bana ba Nebo: Yiele ne Matitiya ne Zabada ne Zebina ne Yido ne Yoele ne Benaya.

⁴⁴ Aba bonso mbakadi babake bakashi ba bende; bakashi bakuabo bakabalelela bana.