Dibadika 33 - Mukanda wa Nzambi Dihungila Dikulukulu ne Dihungila Dihia-dihia 2003

Kulondolola kua Luendu lua Bena Isalele

¹ Ei ngendu ya Bena Isalele hakaluhukabo mu buloba bua Ejipitu ku tshianza tshia Mose ne Alona bu muakadi bisumbu biabo.

² Mose wakafunda ngendu yabo bu mu dî dia Yehowa ei idi ngendu yabo.

³ Bakabisha luendu luabo mu Lamesese mu dituku dia dikumi ne atanu dia ngondo wa kumudilu, ku nyima kua dituku dia kuhita kua Yehowa Bena Isalele bakumuka ku mesu kua Bena Ejipitu ne tshianza tshikole,

⁴ hakadi Bena Ejipitu bajika banʼa bute bakashihabo kudi Yehowa munkatshi muabo Yehowa wakalumbuluisha nzambi yabo kabidi.

⁵ Bena Isalele bakumuka mu Lamesese bakashikama mu Sukota.

⁶ Bakumuka mu Sukota, bakashikama mu Etama, udi ku butshika bua tshihela.

⁷ Bakumuka mu Etama bakahingana ku Pihahilota, udi ku mpala kua Bâla-sefona, bakashikama ku mpala kua Migedola.

⁸ Bakumuka mu Pihahilota, bakahita munkatshi mua dishiba dia mai bakaya mu tshihela bakaya luendu lua matuku asatu mu tshihela tshia Etama, bakashikama mu Mala.

⁹ Bakumuka mu Mala bakatua ku Elima mu Elima muakadi mpokolo ya mai dikumi ne ibidi ne mabue a ngashi makumi muanda mutekete bakashikamaku.

¹⁰ Bakumuka mu Elima bakashikama hehi ne Dishiba Dikunze.

¹¹ Bakumuka ku Dishiba Dikunze, bakashikama mu tshihela tshia Sina.

¹² Bakumuka mu tshihela tshia Sina, bakashikama mu Dofaka.

¹³ Bakumuka mu Dofaka, bakashikama mu Alusha.

¹⁴ Bakumuka mu Alusha bakashikama mu Lefidima, ne bantu kabakadi ne mai a kunua.

¹⁵ Bakumuka mu Lefidima bakashikama mu tshihela tshia Sinai.

¹⁶ Bakumuka mu tshihela tshia Sinai, bakashikama mu Kibelota hatawa.

¹⁷ Bakumuka mu Kibelota-hatawa bakashikama mu Haselota.

¹⁸ Bakumuka mu Haselota, bakashikama mu Litema.

¹⁹ Bakumuka mu Litema, bakashikama mu Limona-pelese.

²⁰ Bakumuka mu Limona-pelese, bakashikama mu Libina.

²¹ Bakumuka mu Libina, bakashikama mu Lisa.

²² Bakumuka mu Lisa bakashikama mu Kehelata.

²³ Bakumuka mu Kehelata, bakashikama ku mukuna wa Shefe.

²⁴ Bakumuka ku mukuna wa Shefe, bakashikama mu Halada.

²⁵ Bakumuka mu Halada bakashikama mu Makehelota.

²⁶ Bakumuka mu Makehelota bakashikama mu Tahata.

²⁷ Bakumuka mu Tahata, bakashikama mu Tela.

²⁸ Bakumuka mu Tela bakashikama mu Miteka.

²⁹ Bakumuka mu Miteka, bakashikama mu Hashemona,

³⁰ Bakumuka mu Hashemona, bakashikama mu Moselota.

³¹ Bakumuka mu Moselota, bakashikama mu Bene-yâkana.

³² Bakumuka mu Bene-yâkana, bakashikama mu Ho-hadidegada

³³ Bakumuka mu Ho-hadidegada, bakashikama mu Yotebata.

³⁴ Bakumuka mu Yotebata, bakashikama mu Abalona.

³⁵ Bakumuka mu Abalona, bakashikama mu Esione-gebê,

³⁶ Bakumuka mu Esione-gebê, bakashikama mu tshihela tshia Sina (dina dikuabo ne Kadesha).

³⁷ Bakumuka mu Kadesha, bakashikama ku mukuna wa Hô, ku butshika bua buloba bua Edome.

³⁸ Alona muakuidi wakabanda ku mukuna wa Hô bu muakamuambila Yehowa, wakafua biandi mu tshidimu tshia makumi anai ku nyima kua kuhatuka kua Bena Isalele mu buloba bua Ejipitu, mu dituku dia kumudilu dia ngondo muitanu.

³⁹ Alona wakadi ne bidimu lukama ne makumi abidi ne bisatu hakafueye mu mukuna wa Hô.

⁴⁰ Mukelenge Alada, Muena Kanâna, wakadi ushikama ku luseke lua ku Sude lua buloba bua Kanâna, wakunvua lumu ne, Bena Isalele balualua.

⁴¹ Bakumuka ku Hô, bakashikama mu Salemona.

⁴² Bakumuka mu Salemona, bakashikama mu Punona.

⁴³ Bakumuka mu Bimuna, bakashikama mu Oboto.

⁴⁴ Bakumuka mu Oboto, bakashikama mu Iye-habalima, ku luseke lua Bena Moaba.

⁴⁵ Bakumuka mu Iyima, bakashikama mu Dibona-gada.

⁴⁶ Bakumuka mu Dibona-gada, bakashikama mu Alamona-dibelatayima.

⁴⁷ Bakumuka mu Alamona-dibelatayima, bakashikama mu mikuna ya Abalama, mitangilangane ne Mukuna wa Nebo.

⁴⁸ Bakumuka ku mikuna ya Abalima, bakashikama mu mpata ya Moaba hehi ne Yadene mitangilangane ne Yeleko.

⁴⁹ Bakashikama hehi ne Yadene, ku Bete-yishimota tô ne ku Abele-shitima, mu mpata ya Moaba.

Mikata ne Kuabanyangana bia Buloba bua Kanâna

⁵⁰ Yehowa wakambila Mose mu mpata ya Moaba hehi ne Yadene mitangilangane ne Yeleko ne,

⁵¹ Wambile Bena Isalele ne, Hanuasabuka Yadene mu buloba bua Kanâna,

⁵² nenuihate bena buloba ebu bonso ku mpala kuenu, nushihe mpingu yabo ya mabue, ne mpingu yakatulabo ne tshiamu, ne miaba yabo ya kutendelela,

⁵³ nenunyenge buloba, nenushikamemu, bualu bua nakanuhabu bu buhianyi buenu.

⁵⁴ Nenuhiane buloba ku meku enu, hanuela nshobo, nenuhe bantu ba bungi buloba bua bungi, ne bantu bakese buloba bukese, biakuata nshobo muntu, buloba abu nebuikale buandi, nenuhiane buloba bu mulongo wa bisamba bia batatu benu.

⁵⁵ Kadi binuahidia kuihata bena buloba ku mesu kuenu, bantu badi bashala nebikale bu tushingi mu mesu enu ne bu meba mu mbadi yenu, nebamatshishe mu buloba bunudi nushikama.

⁵⁶ Hashishe nennuenzele bu munakelangana meji bua kubenzela bobo.