Dibadika 32 - Mukanda wa Nzambi Dihungila Dikulukulu ne Dihungila Dihia-dihia 2003

Bisamba Bibidi ne Tshituha Bidi Bishikama ku Esete wa Yadene

¹ Bena Lubena ne Bena Gada bakadi ne bimuna bia bungi be, hakatangilabo ne buloba bua Yazê ne buloba bua Gilada buakadi muaba muimpe wa bimuna,

² Bena Gada ne Bena Lubena bakalua kudi Mose ne Eleazâ muakuidi ne kudi bakelenge ba tshisumbu, bakamba ne,

³ Atalota ne Dibona ne Yazê ne Nimela ne Heshebona ne Eleale ne Sebama ne Nebo ne Beone,

⁴ buloba buakashihabo kudi Yehowa ku mpala kua tshisumbu tshia Bena Isalele, mbuloba bua bimuna, ne bantu benu badi ne bimuna.

⁵ Bakamba kabidi ne, Bituikala ne luse ku mesu kuenu, nuitabushe bua buloba ebu buikale buhianyi bua bantu benu, kanuyi nʼetu dishiya dia Yadene.

⁶ Mose wakambila Bena Gada ne Bena Lubena ne, Nudi basue bana benu baye ku nvita, ne nuenu nushikame kunoko, anyi?

⁷ Nudi basue kuhangisha mitshima ya Bena Isalele bua kuya mu buloba buakabahabo kudi Yehowa munyi?

⁸ Batatu benu bakenza nunku hanakabatuma ku Kadeshe-bânea bua kutentekelabo buloba.

⁹ Bualu bua hakayabo mu tshibanda tshia Eshekola, bakatangila buloba, bakahangisha mitshima ya Bena Isalele, bua bobo kabayi mu buloba buakabahabo kudi Yehowa.

¹⁰ Tshiji tshiakakuata Yehowa dituku adi, ne yeye wakaditshiha ne,

¹¹ Bulelela, nansha umue wa balume aba bakaluhuka mu Ejipitu, ba mu bidimu makumi abidi tô ne ha mutu, neatangile buloba bunakalaya Abalahama ne Isaka ne Yakoba, bualu bua bobo kabakalonda ne mitshima yabo yonso,

¹² anu Kaleba, muana mulume wa Yefune, Muena Kenizi, ne Yoshua, muana mulume wa Nuna, bualu bua bobo bakalonda Yehowa ne mitshima yabo yonso.

¹³ Yehowa wakadi ne tshiji kudi Isalele ne wakabende sha eku ne eku mu tshihela to bidimu makumi anai tô ne hakafua bantu bonso ba tshikondo atshi, bakadi benze bualu ebu bubi ku mesu kua Yehowa.

¹⁴ Nuenu nuakadibisha mu miaba ya batatu benu bu bana ba bantu babi bakavulangana, bua kudiundisha bukole bua tshiji tshia Yehowa kudi Isalele.

¹⁵ Binuikala nusesuka bua kulekela kulonda ku nyima kuandi yeye neabashiye mu tshihela, yeye neashihe bantu aba bonso.

¹⁶ Bobo bakalua ha buihi nʼandi, bakamba ne, Netuashile mpangu ya bimuna bietu kunoko, ne misoko ya bana betu bakese,

¹⁷ kadi tuetu nkayetu netuye ne bintu bia nvita ku mpala kua Bena Isalele to ne hatualua nʼabo ku miaba yabo, ne bana betu bakese nebashikame mu misoko idi ne ngumbu bualu bua bena buloba.

¹⁸ Katuena tuhingana ku nsubu yetu diambedi Bena Isalele kabayi banze kuhiana buhianyi buabo kudi mundi ne muntu.

¹⁹ Tuetu katuena tuhiana nʼabo buloba budi dishiya dia Yadene to ne ku mpala, bualu bua buhianyi buetu budi dishiya dia munemu ku esete kua Yadene.

²⁰ Mose wakabambila ne, Binuenza bualu ebu, binuangata bintu bia nvita bua kuya nʼabi ku nvita ku mpala kua Yehowa,

²¹ ne bena nvita bonso badi basabuka Yadene ku mpala kua Yehowa to ne hashikisheye kuihata bantu bonso badi nʼandi lukuna ku mpala kuandi,

²² ne hateketa bena buloba bonso ku mpala kua Yehowa, hashishe nenuhingane, kanuena ne bualu bubi kudi Yehowa ne kudi Bena Isalele, ne buloba ebu nebuikale buhianyi buenu ku mesu kua Yehowa.

²³ Ka dî binuahidia kuenza nunku, monai, nuakuenzela Yehowa bualu bubi, numanye bienu ne, Bualu bubi buenu nebunukuate bulelela.

²⁴ Nuase misoko ya bana benu bakese ne mpangu ya mikoko yenu, nuenze mei onso akaluhuka mukana muenu.

²⁵ Bena Gada ne Bena Lubena bakambila Mose ne, Bantu bebe nebenze bu mudi mukelenge Wamba.

²⁶ Bana betu bakese ne bakashi betu ne mikoko ne ngombe yetu nebishale mu misoko ya Gilada,

²⁷ kadi bantu bebe, bena nvita bonso, nebasabuke ku nvita ku mesu kua Yehowa, bu muakuamba mukelenge.

²⁸ Mose wakambila Eleazâ muakuidi ne Yoshua, muana mulume wa Nuna, ne bakadi ku mutu kua nsubu ya batatuʼabo ya bisamba bia Bena Isalele bua bualu buabo.

²⁹ Mose wakabambila ne Bikala Bena Gada ne Bena Lubena basabuka Yadene nʼenu bikala muena nvita yonso ne bintu bia nvita ku mesu kua Yehowa ne bikala bena buloba bateketa ku mesu kuenununku nennubahe buloba bua Gilada bu buhianyi buabo;

³⁰ kadi biabi diabo kusabuka nʼenu ne bintu bia nvita, nunku bobo nebikale ne buhianyi munkatshi muenu mu buloba bua Kanâna.

³¹ Bena Gada ne Bena Lubena bakamba ne Netuenze bu mudi Yehowa wambila bantu bandi.

³² Netusabuke ne bintu bia nvita ku mesu kua Yehowa mu buloba bua Kanâna, netuikale ne buhianyi buetu dishiya dia munemu dia Yadene.

³³ Mose wakaha Bena Gada ne Bena Lubena ne tshituha tshia tshisamba tshia Manashe muana mulume wa Yosefe buloba bua Sihona, mukelenge wa Bena Amole ne buloba bua Oga mukelenge wa Bashana, bungi bua misoko yabo to ne ku matshika abo onso.

³⁴ Bena Gada bakasa Dibona ne Atalota ne Aloe ne

³⁵ Atalota shofana ne Yazê ne Yogebeha,

³⁶ ne Betenimela ne Betehalana, misoko yakadi ne mpangu ya mabue, ne mpangu ya mikoko.

³⁷ Bena Lubena bakasa Heshebona ne Eleale ne Kiyatayima,

³⁸ ne Nebo ne Bâla-meona (bakidika misoko ei mena mahia-mahia) ne Sibema; bakidika misoko mikuabo yakasabo mena mahia-mahia.

³⁹ Bena Maki muana mulume wa Manashe bakaya ku Gilada, bakihata Bena Amole bakadimu bakanyenga musoko.

⁴⁰ Mose wakaha Maki, muana mulume wa Manashe musoko wa Gilada ne yeye wakasekamamu.

⁴¹ Yai muana mulume wa Manashe wakaya wakanyenga misoko mikuabo wakayidika ne, Hawota-yai (misoko ya Yai).

⁴² Noba wakaya wakanyenga Kenata ne misoko mikuabo wakidika musoko wandi ne Noba, bu diba diandi.