Dibadika 26 - Mukanda wa Nzambi Dihungila Dikulukulu ne Dihungila Dihia-dihia 2003

Kubala kua Bungi bua Bantu ku Moaba

¹ Hashishe hakashika disama, Yehowa wakambila Mose ne Eleazâ, muana mulume wa Alona muakuidi ne,

² Nubale bungi bua bantu ba mu tshisumbu tshia Bena Isalele, ba mu bidimu makumi abidi tô ne ha mutu, ku nsubu ya batatuʼabo, badi bamanye mua kuya mu nvita ya Bena Isalele.

³ Mose ne Eleazâ bakabambila mu mpata ya Moaba hehi ne mai a Yadene batangilangane ne Yeleko ne,

⁴ Nubale bungi bua bantu ba mu bidimu makumi abidi to ne ha mutu bu muakambila Yehowa Mose ne Bena Isalele bakaluhuka mu buloba bua Ejipitu.

⁵ Lubena, muanʼa bute wa Isalele, bana balume ba Lubena, Hanoka ne meku a Bena Hanoka, Palu ne meku a Bena Palu,

⁶ Heselona ne meku a Bena Heselona, Kantu ne meku a Bena Kami.

⁷ Au mmeku a Bena Lubena, bungi buabo buakabalabo buakadi binunu makumi anai ne bisatu ne nkama muanda mutekete ne makumi asatu.

⁸ Bana balume ba Palu: Eliaba.

⁹ Bana balume ba Eliaba: Nemuele ne Datana ne Abilama Datana eu ne Abilama eu bakabikila tshisumbu tshia bantu, bakatanda ne Mose ne Alona mu tshisumbu tshia Kola, hakadibo batanda ne Yehowa,

¹⁰ buloba buakubulula mukana muabu, buakabamma ne Kola, bakafua tshisumbu atshi, kahia kakosha balume aba nkama ibidi ne makumi atanu, ne bobo bakalua bu tshivulukidi kudi Bena Isalele.

¹¹ Kadi bana balume ba Kola kabakafua.

¹² Bana balume ba Shimeona ku meku abo Nemuele ne meku a Bena Nemuele, Yamina ne meku a Bena Yamina, Yakina ne meku a Bena Yakina,

¹³ Sela ne meku a Bena Sela, Shaula ne meku a Bena Shaula.

¹⁴ Au mmeku a Bena Shimeona, bantu binunu makumi abidi ne bibidi ne nkama ibidi.

¹⁵ Bana balume ba Gada ku meku abo Sefona ne meku a Bena Sefona, Hagi ne meku a Bena Hagi, Shuni ne meku a Bena Shuni,

¹⁶ Ozeni ne meku a Bena Ozeni, Eli ne meku a Bena Eli,

¹⁷ ne Aloda ne meku a Bena Aloda, ne Aleli ne meku a Bena Aleli.

¹⁸ Au mmeku a Bena Gada, bungi buabo buakabalabo buakadi binunu makumi anai ne nkama itanu.

¹⁹ Bana balume ba Yuda, Ele ne Onana; Ele ne Onana bakafua mu buloba bua Kanâna.

²⁰ Bana balume ba Yuda ku meku abo. Shela ne meku a Bena Shela, Pelese ne meku a Bena Pelese, Zela ne meku a Bena Zela.

²¹ Bana balume ba Pelese Heselona ne meku a Bena Heselona, Hamula ne meku a Bena Hamula.

²² Au mmeku a Yuda, bungi buabo buakabalabo buakadi binunu makumi muanda mutekete ne bisambombo ne nkama itanu.

²³ Bana balume ba Yisakâ ku meku abo: Tola ne meku a Bena Tola; Puwa ne meku a Bena Puna;

²⁴ Yashuba ne meku a Bena Yashuba, ne Shimelona ne meku a Bena Shimelona.

²⁵ Au mmeku a Yisakâ, bungi buabo buakabalabo buakadi binunu makumi asambombo ne binai ne nkama isatu.

²⁶ Bana balume ba Zebuluna ku meku abo Selede ne meku a Bena Selede; Elone ne meku a Bena Elone; Yalele ne meku a Bena Yalele.

²⁷ Au mmeku a Bena Zebuluna, bungi buabo buakabalabo buakadi binunu makumi asambombo ne nkama itanu.

²⁸ Bana balume ba Yosefe ku meku abo, Manashe ne Efelayima.

²⁹ Bana balume ba Manashe Mala ne meku a Bena Mala, Mala wakalela Gilada; Gilada ne meku a Bena Gilada.

³⁰ Aba mbana balume ba Gilada: Yezê ne meku a Bena Yezê, Heleke ne meku a Bena Heleke;

³¹ Aseliele ne meku a Bena Aseliele; Shekeme ne meku a Bena Shekeme;

³² Shenuda ne meku a Bena Shenuda, Hefê ne meku a Bena Hefê.

³³ Selofehada, muana mulume wa Hefê, kakadi ne bana ba balume nansha, wakadi anu ne bana ba bakashi, mena a bana ba bakashi ba Selofehada. Mala ne Noa ne Hogela ne Mileka ne Tîsa.

³⁴ Au mmeku a Manashe, bungi buabo buakabalabo buakadi binunu makumi atanu ne bibidi ne nkama muanda mutekete.

³⁵ Aba mbana balume ba Efelayima ku meku abo Shutela ne meku a Bena Shutela, Bekê ne meku a Bena Bekê; Tahana ne meku a Bena Tahana.

³⁶ Aba mbana balume ba Shutela: Elana ne meku a Bena Elana.

³⁷ Au mmeku a bana balume ba Efelayima, bungi buabo buakabalabo buakadi binunu makumi asatu ne bibidi ne nkama itanu Aba mbana balume ba Yosefe ku meku abo.

³⁸ Aba mbana balume ba Benyamina ku meku abo Bela ne meku a Bena Bela; Ashabele ne meku a Bena Ashabele; Ahilama ne meku a Bena Abalama;

³⁹ Shefufama ne meku a Bena Shefufama; Hufama ne meku a Bena Hufama.

⁴⁰ Bana balume ba Bela bakadi Ada ne Nâmana: ne meku a Bena Ada ne meku a Bena Nâmana.

⁴¹ Aba mbana balume ba Benyamina ku meku abo, bungi buabo buakabalabo buakadi binunu makumi anai ne bitanu ne nkama isambombo.

⁴² Aba mbana balume ba Dana ku meku abo: Shuhama ne Bena Shuhama. Au mmeku a Dana ku meku abo.

⁴³ Meku onso a Bena Shuhama, bungi buabo buakabalabo buakadi binunu makumi asambombo ne binai ne nkama mai.

⁴⁴ Aba mbana balume ba Ashê ku meku abo: Yimena ne meku a Bena Yimena, Yishewi ne meku a Bena Yishewi, Belia ne meku a Bena Belia,

⁴⁵ ne bana balume ba Belia Hebe ne meku a Bena Hebe, Malekiele ne meku a Bena Malekiele.

⁴⁶ Dina dia muana mukashi wa Ashê diakadi Sela.

⁴⁷ Au mmeku a bana balume ba Ashê, bungi buabo buakabalabo buakadi binunu makumi atanu ne bisatu ne nkama mai.

⁴⁸ Bana balume ba Nafatale ku meku abo Yasele ne meku a Bena Yasele; Guni ne meku a Bena Guni;

⁴⁹ Yesê ne meku a Bena Yesê, Shilema ne meku a Bena Shilema.

⁵⁰ Au mmeku a Nafatale, bungi buabo buakabalabo buakadi binunu makumi anai ne bitanu ne nkama mai.

⁵¹ Bungi bua Bena Isalele buakabalabo buakadi binunu nkama isambombo ne tshimue ne nkama muanda mutekete ne makumi asatu.

Buloba Nebuabanyibue ku Nshobo

⁵² Yehowa wakambila Mose ne,

⁵³ Newabanyine bantu aba buloba bua buhianyi buabo bu bungi bua mena abo.

⁵⁴ Wewe neuhe bantu ba bungi buhianyi bunene, ne bantu bakese buhianyi bukese muntu ne muntu wakabalabo wewe neumuhe buhianyi.

⁵⁵ Kadi nebabanye buloba anu ku nshobo, bobo nebahiane buloba ku mena a bisamba bia batatuʼabo.

⁵⁶ Nebabanye buhianyi bunene anyi buhianyi bukese anu ku nshobo.

Tshisamba tshia Lewi

⁵⁷ Ebu mbungi bua Bena Lewi ku meku abo Gêshona ne meku a Bena Gêshona, Kohata ne meku a Bena Kohata; Melali ne meku a Bena Melali.

⁵⁸ Au mmeku a Lewi: diku dia Bena Libina, diku dia Bena Hebelone ne diku dia Mali ne diku dia Bena Mushi ne diku dia Bena Kola Kohata wakalela Amalama.

⁵⁹ Dina dia mukashi wa Amalama diakadi Yokebede, muana mukashi wa Lewi, wakalelabo mu Ejipitu: yeye wakalelela Amalama Alona ne Mose ne Miyama, muanʼabo mukashi.

⁶⁰ Alona wakalela Nadaba ne Abihu ne Eleazâ ne Itamâ.

⁶¹ Nadaba ne Abihu bakafua hakafuabo kahia kakadi kakayi ka tshijila kudi Yehowa.

⁶² Bungi buabo buakabalabo buakadi binunu makumi abidi ne bisatu ba mu ngondo umue tô ne ha mutu, kabakababala munkatshi mua Bena Isalele bualu bua kabakadi ne buhianyi munkatshi mua Bena Isalele.

Kaleba ne Yoshua Badi Bashala ne Muoyo

⁶³ Aba mbantu bakabalabo kudi Mose ne kudi Eleazâ muakuidi, bakabala Bena Isalele mu mpata ya Moaba hehi ne Yadene mutangilangane ne Yeleko.

⁶⁴ Kadi kakuakadi muntu umue munkatshi muabo wakabalabo kudi Mose ne Alona mu tshihela tshia Sinai.

⁶⁵ Bualu bua Yehowa wakamba ne, Bobo nebafue mu tshihela. Nansha umue wabo wakashala anu Kaleba, muana mulume wa Yefune ne Yoshua, muana mulume wa Nuna.