Bienzedi 28 - Mukanda wa Nzambi Dihungila Dikulukulu ne Dihungila Dihia-dihia 2003

Nyoka udi usuma Paulo

¹ Hatuakahanduka, tuakamanya ne, Tshisenga etshi ntshidibo babikila ne, Melita.

² Basenshi bakadi batutua luse lua bungi: bakatutemena kahia, bakatubikila buonso buetu, bualu bua nvula wakadi muloke ne bua mashika akadiku.

³ Hakatshiabu Paulo tshisumbu tshia nkunyi, hakatshieleye mu kahia, nyoka wakahatukamu bualu bua luiya lua kahia, wakalamata ku tshianza tshiandi.

⁴ Hakatangila basenshi nyoka mubi mulembelele ku tshianza tshiandi, bakambilangana ne, Bulelela, muntu eu udi mutahianganyi; wakuhanduka mu mai, kadi dilumbulula dilelela kadiena ditabusha bua yeye kuikala ne muoyo.

⁵ Kadi yeye wakakuha nyoka mu kahia, kakunvua disama.

⁶ Bobo bakadi batekemena ne, Neûle, anyi neahone hanshi lukasa mufue; kadi hakatekemenabo nunku musangu mule, hakadibo kabai bamone bualu bulue kudiye, bakakudimuna meshi abo bamba ne, Yeye udi nzambi.

Paulo udi wenza luata bua kukema, udi wondaha tatu wa Popolio

⁷ Ha buihi ne muaba au hakadi madimi a muntu mimene, mukelenge wa tshisenga, dina diandi Popolio, wakatubuesha mu nsubu muandi, wakatuenzela bimpe matuku asatu.

⁸ Kadi tatu wa Popolio wakadi mulale musame mubidi kahia ne munda mashi; Paulo wakaya kudiye, wakatendelela Nzambi, wakamulenga bianza, wakashikisha masama andi.

⁹ Hakenzeye nunku, bakuabo ba mu tshisenga bakadi ne mabedi bakadi balua kudiye, bakadi bukoleshibua;

¹⁰ bobo bakatamba tutu tumbisha; hatuakamba kumuka, bakabuesha bintu bitu akadi nʼabi bualu mu bualu.

Paulo udi uya ku Lomo

¹¹ Hakahita ngondo isatu, tuakabuha mu buatu bua ku Alesandelia buakadi bulale ku tshisenga bua ngondo ya mashika, tshimanyinu tshiabu ne, Diosokuli.

¹² Hatuakafika ku Sulakusa, tuakalalaku matuku asatu.

¹³ Hatuakumukaku, tuakatshinguluka, yakafika ku Legio. Hakahita dituku, luhelele lua ku Sude luakajuka, yakafika ku Potiolo dituku dibidi.

¹⁴ Tuakasanganamu bana betu ba Nzambi, bobo bakatusengelela bua kushala nʼabo matuku muanda mutekete. Nunku tuakalua ku Lomo.

¹⁵ Kadi hakunvua bana betu ba Nzambi ba mu Lomo lumu luetu, bakalua kutuakidila ku Tshisalu tshia Apio ne ha Nsubu Isatu ya Tshilala Benyi; bakabamona Paulo, wakasakidila Nzambi, mutshima wandi wakakankamana.

¹⁶ Hatuakabuela mu Lomo, bakitabusha bua Paulo ashikame ha nkayandi ne disalayi dimulame.

Paulo udi wambila Bena Yuda ba mu Lomo bualu bua Yesu

¹⁷ Hakahita matuku asatu, Paulo wakabikila bakadi ku mutu kua Bena Yuda; hakunguilabo, wakabambila ne, Bana betu, tshiakenza bibi kudi bantu anyi ku bilele bia bankambua betu, kadi mu Yelushalema bakaufila musuika mu bianza bia Bena Lomo.

¹⁸ Hakankonkabo bualu, bakasua kundekela, bualu bua kabakasangana ne bualu bua meme kufuila.

¹⁹ Kadi hakahidia Bena Yuda kuitabusha dî diabo, bunakadi nʼabu mbua kulayidila kudi Kaisa; tshiakadi ne bualu bua kubanda nʼabu tshisamba tshianyi.

²⁰ Bua bualu ebu nunku bunakunubikidila bua kulua kuntangila ne bua kuakula nʼanyi; ndi musuikibue ne lukanu elu bualu bua ditekemena dia Isalele

²¹ Bakamuambila ne, Tuetu katuakangata mikanda mifume ku Yudaya bua bualu buebe, kakuena umue wa bana betu wakalua kunoko utuambila lumu, anyi ukutela ne bualu bubi.

²² Tudi basue kunvua bualu bûdi wela meshi; bualu bua tshisumbu etshi, tudi bamanye ne, Badi batshibanda kuonso.

²³ Hakamusunguilabo dituku, bakalua ba bungi mu nsubu muandi; yeye wakabalondoluela malu, wakabayisha bua bukelenge bua Nzambi, wakateta bua kubitabushisha Yesu, ne ku mikenshi ya Mose ne ku mei a baprofete, dinda tô ne ku dilolo.

²⁴ Bakuabo bakadi bitabusha malu akambeye, bakuabo bakadi bâhidia.

²⁵ Hakabangabo kuhunga mei munkatshi muabo, bakumuka, hakamana Paulo kubambila anu dî dimue ne, Nyuma Muimpe wakambidila bankambua benu bimpe kudi muprofete Yeshaya ne,

²⁶ Ya biebe kudi bantu aba ubambile ne, Kunvua nenunvue, kanuena nujingulula; Kumona nenumone, kanuena numona bimpe;

²⁷ Bua mitshima ya bantu aba yakulua manyi a bungi. Badi mpudi matshu, Bakubuikila mesu abo; Nunku kabamonyi ne mesu abo, Kabunvu ne matshu abo, Kabamanyi ne mitshima yabo, Kabakudimunyi mitshima yabo Bua meme neondahe.

²⁸ Numanye bienu ne, Luhandu ebi luakutumibua kudi bantu ba bende, bobo kabidi nebumate. [

²⁹ ]

³⁰ Paulo wakalalamu bidimu bibidi, wakadi mu wandi nsubu ufuta muena nsubu, wakadi witabusha bantu bonso bakahia kudiye,

³¹ ubambila bua bukelenge bua Nzambi, ubayisha malu a Mukelenge Yesu Kilisto ne dikima dionso, muntu kakamukanda.