1 Kulondolola 7 - Mukanda wa Nzambi Dihungila Dikulukulu ne Dihungila Dihia-dihia 2003

Tunkanunuina tua Yisakâ

¹ Bana ba balume ba Yisakâ: Tola ne Pua ne Yashuba ne Shimelona, banai.

² Bana ba balume ba Tola: Uzi ne Lefaya ne Yeliele ne Yamai ne Ibisama ne Shemuele, bakadi ku mutu kua nsubu ya batatuʼabo, ya Tola mene, bena bukitu ba dikima mu bikondo biabo; bungi buabo mu matuku a Davidi buakadi binunu makumi abidi ne bibidi ne nkama isambombo.

³ Bana ba balume ba Uzi: Yizelaya. Bana ba balume ba Yizelaya: Mikaele ne Obadaya ne Yoele ne Yishiya, batanu; buonso buabo bakadi bakelenge.

⁴ Bena nvita binunu makumi asatu ne bisambombo bakadi basangisha nʼabo mu bikondo biabo mu nsubu ya batatuʼabo, bualu bua bobo bakadi ne bakashi ba bungi ne bana ba balume ba bungi.

⁵ Bana babo ba munkatshi mua meku onso a Yisakâ, bena nvita ba dikima bakabalabo mu bikondo biabo, bakadi binunu makumi muanda mukulu ne muanda mutekete.

Tunkanunuina tua Benyamina

⁶ Bana ba balume ba Benyamina: Bela ne Bekê ne Yediele, basatu.

⁷ Bana ba balume ba Bela: Ezebona ne Uzi ne Uziele ne Yelimota ne Ili, batanu; bakadi ku mutu kua nsubu ya batatuʼabo, bena nvita ba dikima; bakaledibua mu bikondo biabo binunu makumi abidi ne bibidi ne makumi asatu ne bantu banai.

⁸ Bana ba balume ba Bekê: Zemila ne Yosha ne Eliezê ne. Eleyehoenai ne Omeli ne Yelemota ne Abiya ne Anatota ne Alemeta. Aba bonso bakadi bana ba Bekê.

⁹ Bakadi babadibua mu kulondolola kuabo, mu bikondo biabo, bu ba ku mutu kua nsubu ya batatuʼabo bena nvita ba dikima bakadi binunu makumi abidi ne nkama ibidi.

¹⁰ Bana ba balume ba Yediele: Bilehana. Bana ba balume ba Bilehana: Yeusha ne Benyamina ne Ehuda ne Kenana ne Zetana ne Tâshishi ne Ahishahâ.

¹¹ Aba bonso bakadi bana ba balume ba Yediele bakadi ku mutu kua nsubu ya batatuʼabo bena nvita ba dikima binunu dikumi ne muanda mutekete ne nkama ibidi bakadi ne bukole bua kuluangana nvita.

¹² Shupima kabidi, ne Hupima, bana ba balume ba Ili, ne Hushima, muana wa Ahe.

Tunkanunuina tua Nafatale

¹³ Bana ba balume ba Nafatale: Yasiele ne Guni ne Yesê ne Shaluma, bana ba balume ba Bileha.

Tunkanunuina tua Manashe

¹⁴ Bana ba balume ba Manashe: Aseliele wakamulelela mukashi, Muena Alama, muhika mubakibue kudi Manashe; yeye wakalela Maki, tatu wa Gilada.

¹⁵ Maki wakabaka mukashi wa Hupima ne Shupima, dina dia muanʼabo wa bakashi diakadi Mâka; dina dia mukashi wandi mukuabo diakadi Selofehada; Selofehada wakalela bana ba bakashi.

¹⁶ Mâka, mukashi wa Maki, wakalela muana wa balume, wakamuidika dina ne, Peleshe; dina dia muanʼabo nʼandi diakadi Sheleshe; ne bana ba balume bandi bakadi Ulama ne Lakema.

¹⁷ Bana ba balume ba Ulama: Bedana. Aba mbana ba balume ba Gilada, muana wa Makî, muana wa Manashe.

¹⁸ Muanʼabo wa bakashi Hamolekete wakalela Ishehodo ne Abiezê ne Mahala.

¹⁹ Bana ba balume ba Shemida bakadi Ahiana ne Shekeme ne Likihi ne Aniama.

Tunkanunuina tua Efelayima

²⁰ Bana ba balume ba Efelayima: Shutela, ne Belede muanʼandi, ne Tahata muanʼandi, ne Eleada muanʼandi, ne Tahata muanʼandi,

²¹ ne Zabada muanʼandi, ne Shutela muanʼandi, ne Ezê, ne Eleada, bakadi bashihibua kudi Bena Gata bakaledibua mu buloba, bualu bua bobo bakatua bua kunyenga bimuna biabo.

²² Efelayima, tatu wabo, wakasa muadi matuku a bungi, ne bana babo bakatua bua kumusambabo.

²³ Yeye wakasangila ne mukashi wandi, yeye wakimita difu, wakalela muana wa balume, wakamuidika dina ne, Belia, bualu bua makenga akakuata ba mu nsubu muandi.

²⁴ Muana wandi wa bakashi wakadi Shela, wakasa Bete-holona wa ku tshibanda ne wa ku mukuna, ne Uzeneshêla.

²⁵ Lefa wakadi muanʼandi wa balume, ne Leshefe muanʼandi, ne Tela muanʼandi, ne Tahana muanʼandi,

²⁶ ne Ladana muanʼandi, ne Amihuda muanʼandi, ne Eleshama muanʼandi,

²⁷ ne Nuna muanʼandi, ne Yoshua muanʼandi.

²⁸ Miaba yabo yakashikamabo yakadi Betele ne misoko yakadi ha buihi, ne Nâlana ku esete, ne Gezê ku wesete ne misoko yakadi ha buihi; Shekeme ne misoko yakadi ha buihi tô ne ku Aza ne misoko yakadi ha buihi;

²⁹ ne ku mikalu ya Bena Manashe, Bete-sheana ne misoko yakadi ha buihi, ne Tânaka ne misoko yakadi ha buihi, ne Megido ne misoko yakadi ha buihi, ne Dô ne misoko yakadi ha buihi. Mu miaba ei yakashikama bana ba Yosefe, muana wa Isalele.

Tunkanunuina tua Ashê

³⁰ Bana ba balume ba Ashê: Yimena ne Yishewa ne Yishewi ne Beliya, ne Sela wakadi muanʼabo wa bakashi.

³¹ Bana ba balume ba Beliya: Hebe ne Malekiele, wakadi tatu wa Bîzawita.

³² Hebê wakalela Yafeleta ne Shomê ne Hotama, ne Shua wakadi muanʼabo wa bakashi.

³³ Bana ba balume ba Yafeleta: Pasaka ne Bimehala ne Ashawata. Aba mbana ba Yafeleta.

³⁴ Bana ba balume ba Shemê: Ahi ne Loga ne Yehuba ne Alama.

³⁵ Bana ba balume ba Heleme, muanʼabo wa balume: Sofâ ne Yimena ne Sheleshe ne Amala.

³⁶ Bana ba balume ba Sofâ: Sua ne Hânefê ne Shuala ne Beli ne Yimela

³⁷ ne Bezê ne Hodo ne Shama ne Shilesha, ne Yitelana ne Bela.

³⁸ Bana ba balume ba Yetê: Yefune ne Pisepa ne Ala.

³⁹ Bana ba balume ba Ula: Ala ne Haniele ne Lisia.

⁴⁰ Aba bonso bakadi bana ba Ashê ba ku mutu kua nsubu ya batatu babo, bena nvita basungula ba bukitu ne tulala tua ha mutu. Bungi buabo buakabalabo mu kulondolola kuabo bua kuluangana nvita bakadi binunu makumi abidi ne bisambombo.