1 Kulondolola 4 - Mukanda wa Nzambi Dihungila Dikulukulu ne Dihungila Dihia-dihia 2003

Tunkanunuina tua Yuda

¹ Bana ba balume ba Yuda: Pelese, Heselona ne Kâmi ne Hula ne Shobala.

² Leaya, muana wa Shobala, wakalela Yahata; Yahata wakalela Ahumai ne Lahada. Au mmeku a Bena Solea.

³ Aba mbana ba tatu wa Etama: Yizelele ne Yishema ne Yidebasha; dina dia muanʼabo wa bakashi diakadi Haselele-poni;

⁴ Penuele, tatu wa Gedô, ne Ezê, tatu wa Husha. Aba mbana ba balume ba Hû, muanʼa bute wa Efelata, tatu wa Beteleheme.

⁵ Ashehû, tatu wa Tekoa, wakadi ne bakashi babidi, Hela ne Nâla.

⁶ Nâla wakamulelela Ahuzama ne Hefê ne Temeni ne Hâhashatali. Aba bakadi bana ba balume ba Nâla.

⁷ Bana ba balume ba Hela bakadi Selete, Yisheâ ne Etenana.

⁸ Hakosa wakalela Anuba ne Sobeba ne ba mu meku a Ahahele, muana wa balume wa Haluma.

⁹ Yabesa wakatamba bana babo mu butumbi; mamu wandi wakamuidika dina ne, Yabesa, wamba ne, Nakamulela ne kanyinganyinga.

¹⁰ Yabesa wakatendelela Nzambi wa Isalele wamba ne, Nakadi kusua bua wewe kunsankisha ne kulehesha mikalu yanyi ne bua tshianza tshiebe tshikale nʼanyi, bua wewe kundama bua tshibuedi mu malu mabi ne bua meme tshikadi ne kanyinganyinga! Nzambi wakamuha malu akalombeye.

¹¹ Keluba, muanʼabo wa balume ne Shuha, wakalela Mehî wakadi tatu wa Eshetona.

¹² Eshetona wakalela Bete-lafa ne Pasea ne Tehina, tatu wa Inahasha. Aba mbantu ba Leka.

¹³ Bana ba balume ba Kenaza; Oteniele ne Selaya. Bana ba balume ba Oteniele: Hatata.

¹⁴ Meonotai wakalela Ofela; ne Selaya wakalela; Yoaba, tatu wa Bena Ge-halashima; bualu bua bobo bakadi bansenda.

¹⁵ Bana ba balume ba Kaleba, muana wa Yefune: Ilu, Ela ne Nâma; bana ba balume ba Ela: Kenaza.

¹⁶ Bana ba balume ba Yehalelele: Zifa ne Zifaha, Tileya ne Asalele.

¹⁷ Bana ba balume ba Ezela: Yete ne Melede ne Efê ne Yalona; mukashi wandi wakamulelela kabidi Mîyama ne Shamai ne Yisheba, tatu wa Eshetemoa.

¹⁸ Mukashi wandi, Muena Yuda, wakalela Yelede, tatu wa Gedô, ne Hebê, tatu wa Soko, ne Yekutiele, tatu wa Zanoa. Aba mbana ba balume ba Bitiya, muana wa bakashi wa Palo, wakabakibua kudi Melede.

¹⁹ Bana ba balume ba mukashi wa Hodiya, muanʼabo wa bakashi ne Nahama, bakadi batatu ba Keila, Muena Gâma, ne Eshetemoa, Muena Mâka.

²⁰ Bana ba balume ba Shimona: Amenona ne Lina, Bene-hanana ne Tilona. Bana ba balume ba Ishi: Zoheta ne Bene-zoheta.

²¹ Bana ba balume ba Shela, muana wa Yuda: Ele, tatu wa Leka, ne Lâda, tatu wa Malesha ne ba mu nsubu wa bakumi ba bilulu bia lin, ba mu nsubu wa Ashabea;

²² Yolama ne Bena Kozeba ne Yoasha ne Salafa wakakokesha mu buloba bua Moaba, ne Yashubi-lehema. Eku nkulondolola kua kale kale.

²³ Aba mbafumbi ba bivuadi ne bakadi bashikama mu Netaima ne Gedela; bakashikamaku ne mukelenge bua mudimu wandi.

Tunkanunuina tua Shimeona

²⁴ Bana ba balume ba Shimeona: Nemuele ne Yamina, Yaliba, Zela, Shaula;

²⁵ Shaluma muanʼandi, Mibesama muanʼandi, Mishema muanʼandi.

²⁶ Bana ba balume ba Mishema: Hamuele muanʼandi, Zakû muanʼandi, Shimei muanʼandi.

²⁷ Shimei wakadi ne bana ba balume dikumi ne basambombo ne bana ba bakashi basambombo; kadi bana babo kabakadi ne bana ba bungi, ne bobo bonso kabakavulangana ba bungi bu muakenza bana ba Yuda.

²⁸ Bobo bakashikama mu Bê-sheba ne mu Molada ne mu Hasâ-shuala

²⁹ ne mu Bileha ne mu Eseme ne mu Tolada

³⁰ ne mu Betuele ne Hôma ne mu Sikelaga,

³¹ ne mu Bete-makabota ne mu Hasâsu-sima ne mu Bete-bili ne mu Shâla-yima. Ebi biakadi bimenga biabo tô ne ku bukokeshi bua Davidi.

³² Misoko yabo yakadi Etama ne Ayina, Limona ne Tokene ne Ashana, misoko itanu;

³³ ne misoko yabo yonso yakadi ha buihi ne bimenga biobimue tô ne ku Bâla. Ei yakadi miaba yabo yakashikamabo, ne bobo bakafunda kulondolola kuabo.

³⁴ Meshobaba ne Yameleke ne Yoasha, muana wa balume wa Amasaya,

³⁵ ne Yoele ne Yehu, muana wa balume wa Yoshibeya, muana wa balume wa Selaya, muana wa balume wa Asiele,

³⁶ ne Eleyehoenai ne Yâkoba ne Yeshohaya ne Asaya ne Adiele ne Yesimiele ne Benaya

³⁷ ne Ziza, muana wa balume wa Shifi, muana wa balume wa Alono, muana wa balume wa Yedaya, muana wa balume wa Shimeli, muana wa balume wa Shemaya;

³⁸ bantu aba batuakutela menʼabo nunku bakadi bakelenge ba mu meku abo ne ba mu nsubu yabo bakatamba kuyisangana.

³⁹ Bakamuangalaka tô ne ku tshibuelelu tshia Gedô ku luseke lua ku esete kua tshibanda bua kukebabo mashinde a kudisha nʼau bimuna biabo.

⁴⁰ Bakasangana mashinde a bungi ne mimpe, buloba abu buakadi bunene, buakadi kabuyi ne diyoyo, buakadi talalâ; bantu bakadi bashikamaku diambedi bakadi bantu ba Hama.

⁴¹ Badi ne mena abo mafunda nunku bakalua mu matuku a Hezikiya, mukelenge wa Yuda, bakashiha ntenta yabo ne Bena Meunima bakadi bashikamaku, bakababutula tô ne ku dituku edi, bakashikama mu miaba yabo; bualu bua bakasanganamu mashinde a kudisha nʼau bimuna biabo.

⁴² Bakuabo babo, bana ba balume ba Shimeona mene bu nkama itanu, bakaya ku mukuna wa Seî, bakadi ne Pelatiya ne Nealiya ne Lefaya ne Uziele, bana ba balume ba Ishi, bu tupitene tuabo.

⁴³ Bakashiha difuka dia Bena Amaleka bakahanduka diambedi, badi bashikamaku tô ne ku dituku edi.