1 Kulondolola 2 - Mukanda wa Nzambi Dihungila Dikulukulu ne Dihungila Dihia-dihia 2003

Bana Balume ba Isalele

¹ Aba mbana balume ba Isalele: Lubena, Shimeona, Lewi, ne Yuda, Yisakâ ne Zebuluna,

² Dana, Yosefe ne Benyamina, Nafatale, Gada ne Ashê.

Tunkanunuina tua Yuda

³ Bana ba balume ba Yuda: Ele ne Ônana ne Shela: muana mukashi wa Shua, Muena Kanâna, wakamulelela aba basatu. Ele, muanʼa bute wa Yuda, wakadi muntu mubi ku mesu kua Yehowa; yeye wakamushiha.

⁴ Tamâ, mukashi wa muanʼandi, wakamulelela Pelese ne Zela. Bana ba balume ba Yuda bonso bakadi batanu.

⁵ Bana ba balume ba Pelese: Heselona ne Hamula.

⁶ Bana ba balume ba Zela: Zimeli ne Etana ne Hemana ne Kalakola ne Dala; buonso buabo batanu.

⁷ Bana ba balume ba Kâmi; Akâ, mutatshi wa Isalele, wakenza bualu bubi ne tshintu tshia tshijila.

⁸ Bana ba balume ba Etana: Azâya.

⁹ Bana ba balume ba Heselona bakaleleye bakadi Yelamele ne Lama ne Kelubai.

¹⁰ Lama wakalela Aminadaba ne Aminadaba wakalela Nashona, muntu munene wa munkatshi mua Bena Yuda;

¹¹ Nashona wakalela Salama ne Salama wakalela Boaza;

¹² Boaza wakalela Obeda, ne Obeda wakalela Yishai;

¹³ Yishai wakalela muanʼa bute wandi Eliaba ne Abinadaba muana muibidi ne Shimea muana muisatu,

¹⁴ Netanele muana muinai ne Ladai muana muitanu,

¹⁵ Osema muana muisambombo ne Davidi muana wa muanda mutekete;

¹⁶ bana babo ba bakashi bakadi Seluya ne Abigayila. Bana ba balume ba Seluya bakadi Abishai ne Yoaba ne Asahele, bana basatu.

¹⁷ Abigayila wakalela Amasa; tatu wa Amasa wakadi Yete, Muena Yishemaele.

¹⁸ Kaleba, muana wa balume wa Heselona, wakalela bana ne mukashi wandi Azuba ne mukashi wandi Yeliota; bana bandi ba balume bakadi Yeshê ne Shobaba ne Âdona.

¹⁹ Azuba wakafua, ne Kaleba wakabaka Efelata, wakamulelela Hû.

²⁰ Hû wakalela Uli ne Uli wakalela Bezalele.

²¹ Hashishe Heselona wakaya kudi muana mukashi wa Maki, tatu wa Gilada, wakamuangata bu mukashi wandi hakadiye ne bidimu makumi asambombo; yeye wakamulelela Seguba.

²² Seguba wakalela Yaî, wakadi ne misoko makumi abidi ne isatu mu buloba bua Gilada.

²³ Geshû ne Alama bakanyenga misoko ya bena Yai ne Kenata ne misoko yai yonso bu misoko makumi asambombo. Aba bonso bakadi bana ba balume ba Maki, tatu wa Gilada.

²⁴ Hakafua Heselona mu Kaleba-efalata, hashishe Abiya, mukashi wa Heselona, wakamulelela Ashehû, tatu wa Tekoa.

²⁵ Bana ba balume ba Yelamele, muanʼa bute wa Heselona, bakadi Lama, muanʼa bute wandi, ne Buna ne Olena ne Ozema ne Ahiya.

²⁶ Yelamele wakadi ne mukashi mukuabo, dina diandi Atala; yeye wakadi mamu wa Onama.

²⁷ Bana ba balume ba Lama, muanʼa bute wa Yelamele, bakadi Mâsa ne Yamina ne Ekê.

²⁸ Bana ba balume ba Onama bakadi Shamai ne Yada. Bana ba balume ba Shamai: Nadaba ne Abishû.

²⁹ Dina dia mukashi wa Abishû diakadi Abihayila; yeye wakamulelela Abana ne Moliya.

³⁰ Bana ba balume ba Nadaba: Selede ne Apaima; kadi Selede wakafua kayi ne bana ba balume.

³¹ Bana ba balume ba Apaima: Yishi. Bana ba balume ba Yishi: Sheshana. Bana ba balume ba Sheshana: Ahalai.

³² Bana ba balume ba Yada, muanʼabo wa balume ne Shamai: Yete ne Yonatana; Yete wakafua kayi ne bana ba balume.

³³ Bana ba balume ba Yonatana: Pelete ne Zaza. Aba mbana ba balume ba Yelamele.

³⁴ Sheshana kakadi ne bana ba balume, anu bana ba bakashi. Sheshana wakadi ne muena mudimu, Muena Ejipitu, dina diandi Yaha.

³⁵ Sheshana wakafila muanʼandi mukashi, kudi Yaha, muena mudimu wandi, bu mukashi wandi; yeye wakamulelela Atai.

³⁶ Atai wakalela Natana ne Natana wakalela Zabada,

³⁷ Zabada wakalela Efelala, ne Efelala wakalela Obeda,

³⁸ ne Obeda wakalela Yehu, ne Yehu wakalela Azâya,

³⁹ ne Azâya wakalela Helese, ne Helese wakalela Eleasa,

⁴⁰ ne Eleasa wakalela Sisemai, ne Sisemai wakalela Shaluma,

⁴¹ ne Shaluma wakalela Yakameya, ne Yakameya wakalela Elishama.

⁴² Bana ba, balume ba Kaleba, muanʼabo wa balume ne Yelamele, bakadi Mesha, muanʼa bute wandi tatu wa Zifa; ne bana ba balume ba Malesha: Hebelone.

⁴³ Bana ba balume ba Hebelone: Kola ne Tapua ne Lekeme ne Shema.

⁴⁴ Shema wakalela Lahama, tatu wa Yôkeama; Lekeme wakalela Shamai.

⁴⁵ Muana wa balume wa Shamai wakadi Maona; Maona wakadi tatu wa Bete-sû.

⁴⁶ Efa, mukashi muhika mubakibue kudi Kaleba, wakamulelela Halana ne Mosa ne Gazeza; Halana wakalela Gazeza.

⁴⁷ Bana ba balume ba Yadai: Legeme ne Yotana ne Geshana ne Pelete ne Efa ne Shâfa.

⁴⁸ Mâka, munga mukashi muhika mubakibue kudi Kaleba, wakamulelela Shebê ne Tîhana.

⁴⁹ Yeye wakamulelela kabidi Shâfa, tatu wa Mademana, ne Shewa tatu wa Makebena ne tatu wa Gibea; muana wa bakashi wa Kaleba wakadi Akasa.

⁵⁰ Aba mbana balume ba Kaleba, Bana ba balume ba Hû, muanʼa bute wa Efelata: Shobala, tatu wa Kîyata-yalima;

⁵¹ Salama, tatu wa Beteleheme, Halefe, tatu wa Bete-gadê.

⁵² Shobala, tatu wa Kîyata-yalima, wakadi ne bana ba balume kabidi, Haloe, tshituha tshia Bena Menuhota.

⁵³ Meku a Kîyata-yalima akadi Bena Yitela ne Bena Puta ne Bena Shumati ne Bena Mishete; Bena Solea ne Bena Eshetaola bakafuma kudibo.

⁵⁴ Bana ba balume ba Salama: Beteleheme ne Bena Netofa, Atalota-bete-yoaba ne tshituha tshia Bena Manahata, Bena Sola mene.

⁵⁵ Au mmeku a bafundi akashikama mu Yabesa: Bena Tila ne Bena Shimeata ne Bena Sukata. Aba mBena Kene bakafuma kudi Hamata, tatu wa ba mu nsubu wa Lekaba.