1 Kulondolola 14 - Mukanda wa Nzambi Dihungila Dikulukulu ne Dihungila Dihia-dihia 2003

Hilama Udi Wanyisha Davidi

¹ Hilama, mukelenge wa Tulo, wakatuma ba-messager kudi Davidi, ne mitshi ya cèdre ne bena tushola ne bena mabaya bua kumuashilabo nsubu.

² Davidi wakamanya ne, Nzambi wakunjadika mukelenge ku mutu kua Bena Isalele; bualu bua bukelenge buandi buakadi bubandishibue kulu bua bantu bandi Bena Isalele.

Bana ba Davidi Bakalelabo ku Yelushalema

³ Davidi wakabaka bakashi bakuabo mu Yelushalema; Davidi wakalela bana ba balume ne bana ba bakashi bakuabo.

⁴ Aba mbana bakaleleye mu Yelushalema: Shamua ne Shobaba ne Natana ne Solomo

⁵ ne Yibehâ ne Elishua ne Elepeleta

⁶ ne Noga ne Nefege ne Yafia

⁷ ne Elishama ne Bêleyada ne Elifelete.

Davidi Udi Utamba Bena Peleshete Bukole

⁸ Hakunvua Bena Peleshete lumu ne, Bakuela Davidi manyi ha mutu bua kuikaleye mukelenge wa Bena balele bonso, Bena Peleshete bonso nakaya kukeba Davidi; hakunvua Davidi lumu elu, yeye wakaya bua kuluangana nʼabo.

⁹ Bena Peleshete hakamana kuhaula misoko ya mu tshibanda tshia Bena Lefa.

¹⁰ Davidi wakebesha Nzambi ne, Nye bua kuluangana ne Bena Peleshete, anyi? Wewe neubafile mu tshianza tshianyi, anyi? Yehowa wakamuambila ne, Uye biebe, bualu bua meme nembafile mu tshianza

¹¹ Nunku bobo bakafika ku Bâla-pelasima; Davidi wakabashihelaku. Davidi wakamba ne, Nzambi wakahatuka kudi bena lukuna banyi bu mudi mai ahatuka. Nunku badi babikila muaba au ne, Bâla-pelasima.

¹² Bakashiyaku mpingu yabo; Davidi wakela mukenji wandi, bakayosha ne kahia.

¹³ Bena Peleshete wakahaula misoko ya mu tshibanda kabidi.

¹⁴ Davidi wakebesha Nzambi kabidi; Nzambi wakamuambila ne, Kuyi, kubalondi; usesuke kudibo, yila kudibo ku luseke lua mitshi ya mûrier.

¹⁵ Hashishe haunvua tshiona mu mitu ya mitshi ya mûrier, uluangane nʼabo; bualu bua Nzambi wakadianjila ku mpala kuebe bua kushiheye musumba wa Bena Peleshete.

¹⁶ Davidi Wakenza muakamuambila Nzambi; bakashiha musumba wa Bena Peleshete ku Gibeona tô ne ku Gezê.

¹⁷ Lumu lua Davidi tuakamuangalaka ku maloba onso; Yehowa wakavuisha ba mu bisamba bionso ditshina bua bualu buandi.