Tisimu 8 - Tshwa Bible

A vito ga Jehova gi dzunzeka misaveni yontlhe.

¹ Jehova, Hosi ya hina, Gi dzunzekisile kuyini a vito ga wena misaveni yontlhe! Wena loyi u ti yimisaleko a wukosi ga wena hehla ka matilo. Hab. 3:3; Kuv. 5:12

² U ti yimisele a ntamu hi milomu ya zivanana ni zihlangi zi anwako, Hi kota ya valala va wena, Kasi wa miyeta a nala ni muphoteli. Mat. 21:16

³ Loku nzi cuwuka a matilo ya wena, a ntiro wa titiho ta wena, A hweti ni tinyeleti, lezi wena u zi vangileko;

⁴ Nziku: Xini a munhu loyi wena u mu khatalelako, Ni nʼwana wa munhu lezi wena u mu enzelako ke? Joba 7:17; Maheb. 2:6

⁵ Hakuva wena u mu mahile kutsongwani a lava ku ecana ni Nungungulu; U mu bombisile hi wukosi ni kudzunziwa.

⁶ Hakuva wena u mu nyikile malungelo ya ku fumela a mitiro ya mandla ya wena, U veka zilo zontlhe lahasi ka mikonzo yakwe: Gen. 9:2; Mat. 28:18; 1 Kor. 15:27

⁷ A tiyivu tontlhe ni tihomu, Ina, ni zihari za khwati;

⁸ A tinyanyani ta tilo ni zidluwani za bimbi, Ni zontlhe lezi zi fambako hi tindlela ta mabimbi.

⁹ Jehova, Hosi ya hina, Gi dzunzekisile kuyini a vito ga wena misaveni yontlhe!