Tisimu 20 - Tshwa Bible

Israeli a kombelela hosi.

Ka muchuli. Lisimu la Davida.

¹ Ngha Jehova a ku hlamula hi siku ga hlomulo, A vito ga Nungungulu wa Jakobe a gi ku vikele.

² Ngha a ku rumela kuvunetela kakwe hi le tempeleni, A ku tiyise na a hi le Zioni.

³ Ngha a alakanya yontlhe a minyikelo ya wena ya zakuga, A xalala hi muphahlelo wa wena wa kuhiswa. (Sela.)

⁴ Ngha a ku nyika a mixuvo ya mbilu ya wena, A mbhelelisa a makungo ya wena wontihe.

⁵ Hi ta tsaka hi kota ya kuhlula ka wena, Hi tlakusa tinghapa vitweni ga Nungungulu wa hina; Jehova a ku nyike zontlhe lezi u zi kombelako.

⁶ Makunu nza zi tiva lezaku Jehova wa hanyisa a totilweko wakwe, I ta mu hlamula na a hi tilweni gakwe go basa, A mu ponisa hi ntamu wa canja gakwe ga xinene.

⁷ A vanwani va tsumba tikareta, vanwani va tsumba mahaxi, Kanilezi hina hi kumbuka a vito ga Jehova, a Nungungulu wa hina.

⁸ Vona va korama, vawa lahasi, Kanilezi hina hi vuka hi yima hiku nde, nde!

⁹ Jehova, hi nyike kuhlula, Ngha hosi yi ingisa loku hi vitana.