Tisimu 136 - Tshwa Bible

A wuxinji gakwe ga kala kupinzuka.

¹ Dumisani Jehova, hakuva i nene, Hakuva a wuxinji gakwe ga kala kupinzuka.

² Dumisani a Nungungulu wa vanungungulu, Hakuva a wuxinji gakwe ga kala kupinzuka. Deut. 10:17; 1 Kor. 8:5

³ Dumisani a Hosi ya tihosi, Hakuva a wuxinji gakwe ga kala kupinzuka. 1 Tim. 6:13

⁴ Loyi a mahako zirewukiso za hombe a hi yece, Hakuva a wuxinji gakwe ga kala kupinzuka.

⁵ Loyi a nga maha matilo hi wutlhari, Hakuva a wuxinji gakwe ga kala kupinzuka.

⁶ Loyi a andleleko misava hehla ka mati, Hakuva a wuxinji gakwe ga kala kupinzuka.

⁷ Loyi a nga maha ziwoningo za hombe, Hakuva a wuxinji gakwe ga kala kupinzuka.

⁸ A gambo a ku fuma ni hlikanhi, Hakuva a wuxinji gakwe ga kala kupinzuka.

⁹ A hweti ni tinyeleti a ku fuma ni wusiku, Hakuva a wuxinji gakwe ga kala kupinzuka.

¹⁰ Loyi a nga daya matewula ya va Gipite, Hakuva a wuxinji gakwe ga kala kupinzuka. Ekso. 12:29

¹¹ A humesa Israeli xikari kabye, Hakuva a wuxinji gakwe ga kala kupinzuka.

¹² Hi canja ga ntamu ni woko gi nawulutilweko, Hakuva a wuxinji gakwe ga kala kupinzuka. Deut. 4:34

¹³ Loyi a nga avanyisa Bimbi go Pswhuka hi laha xikari, Hakuva a wuxinji gakwe ga kala kupinzuka.

¹⁴ A maha vaIsraeli va tsemakanya xikari ka gona, Hakuva a wuxinji gakwe ga kala kupinzuka.

¹⁵ Kanilezi a hangalasa Faro ni yimpi yakwe lomu Bimbini go Pswhuka, Hakuva a wuxinji gakwe ga kala kupinzuka.

¹⁶ Loyi a nga rangela vanhu vakwe lomu xiwuleni, Hakuva a wuxinji gakwe ga kala kupinzuka.

¹⁷ Loyi a nga lovisa tihosi ta hombe, Hakuva a wuxinji gakwe ga kala kupinzuka.

¹⁸ A daya tihosi ti dumileko, Hakuva a wuxinji gakwe ga kala kupinzuka.

¹⁹ Sihoni a hosi ya maAmori, Hakuva a wuxinji gakwe ga kala kupinzuka.

²⁰ Na Ogi a hosi ya Baxani, Hakuva a wuxinji gakwe ga kala kupinzuka.

²¹ A nyikela tiko gabye giva tshomba, Hakuva a wuxinji gakwe ga kala kupinzuka.

²² Giva tshomba ya Israeli a nanza gakwe, Hakuva a wuxinji gakwe ga kala kupinzuka.

²³ Loyi a nga hi alakanya kutsongahatweni ka hina, Hakuva a wuxinji gakwe ga kala kupinzuka. Ekso. 2:24; 3:7

²⁴ A hi tlhatlhisa valaleni va hina, Hakuva a wuxinji gakwe ga kala kupinzuka.

²⁵ Loyi a nyikako kuga ka zivangwa zontlhe, Hakuva a wuxinji gakwe ga kala kupinzuka.

²⁶ Dumisani Nungungulu wa matilo, Hakuva a wuxinji gakwe ga kala kupinzuka.