Tisimu 124 - Tshwa Bible

Israeli i wa pswotumukile ntlhanwini.

Lisimu la Davida la kuya kukhozeleni.

¹ Loku Jehova a wa nga hi tlhelweni ga hina, Israeli a wule lezo:

² Loku Jehova a wa nga hi tlhelweni ga hina, Laha vanhu va nga hi vukela, Rom. 8:31

³ Ngha va hi mitile na hi kari hi hanya, Laha zanga yabye yi nga hi vurela.

⁴ Ni mati ngha ma hi mitile, Ngha congo wu khubunyetile mihefemulo ya hina.

⁵ A mati lawa ma vindlukako Ngha ma hunzile hi hehla ka mihefemulo ya hina.

⁶ A khesiwe Jehova, Loyi a nga kala ku hi nyikela kotisa pfimba menweni yabye.

⁷ A muhefemulo wa hina wu ponile, Khwatsi hi xinyanyani xi ponileko ntlhanwini wa mudembeli; A ntlhamu wu tshovekile, hina hi ponile.

⁸ A kuvunwa ka hina ku le vitweni ga Jehova, Loyi a nga maha tilo ni misava.