Tisimu 120 - Tshwa Bible

Nzi lo rila ka Jehova.

Lisimu la kuya kukhozeleni.

¹ Nzi loba huwa ka Jehova kuxani sekeni ka mina, Yena i lo nzi hlamula.

² Jehova, hlanguta muhefemulo wa mina ka milomu ya vahembi, Ni ka lirimi li khohlisako.

³ U ta nyikwa yini, u chachazelwa hi yini, Wena lirimi nzi wena la kukhohlisa? Jak. 3:5

⁴ Hi tigalala to kariha ta tinhenha, Zinwe ni makhala ya xonge.

⁵ Yowe, nzi akileko le Mexeki, Nzi tshamako matendeni ya Kedari.

⁶ A muhefemulo wa mina wu karele Ku tshama ni lava va vengako kurula.

⁷ Mina nza ranza kurula; Kanilezi loku nzi wula nchumu, va lava kulwa.