Tisimu 114 - Tshwa Bible

Laha Israeli a nga huma te Gipite.

¹ Laha Israeli a nga huma le Gipite, Ni yindlu ya Jakobe hi ka vanhu va linwani lirimi; Ekso. 12:41

² Juda i lo maha wutshamu gakwe gi basileko, Na Israeli ava kufuma kakwe.

³ A bimbi gi lo zi wona gi tsutsuma, Jordani gi lo tlheliswa nzhako. Ekso. 14:21; Jox. 3:16

⁴ A zitsunga zi lo tlulatlula kukotisa tihamba, Ni miganga kukotisa tiyivana.

⁵ Wena bimbi, xini xi ku mahako u tsutsuma ke? Na wena Jordani, lezi u nga tlhelela nzhako?

⁶ Na nwina zitsunga, mu tlulatlulela yini ku fana ni tihamba? Na nwina miganga, lezi mu nga ku khwatsi mu tiyivana?

⁷ Wena misava, rurumela mahlweni ka Hosi, Le mahlweni ka Nungungulu wa Jakobe;

⁸ Loye a nga hunzula ribye gi maha tiva ga mati, Ni ribye go nonoha gi maha xibuka xa mati. Ekso. 17:6; Mitse. 20:11; Isa. 48:21