Nehemia 7 - Tshwa Bible

A xaxameto wa vaJuda va wuyileko na Zerubabeli.

¹ Makunu laha a ligingisi li nga mbhelile ku aketwa, na nzi vekele a tivati ni varinzeli va tona, nzi hlawula vayimbeleli ni vaLevi,

² nzi lo yimisa nakulori Hanani na Hanania, a nduna ya khokhola, a kuva vahlayisi va Jerusalema, hakuva i wa hi wanuna a tsumbekileko, na a hunza vanyingi hi ku chava Nungungulu;

³ nziku kabye: A tinyangwa ta Jerusalema ti nga vululwi kala loku a gambo gi sangula ku tlhava. A varinzeli na va hi kona, a va vale tinyangwa va ti kwinyara. A vaaki va Jerusalema a va vekiwe a kuva varinzeli, a munwe ni munwani a ntlaweni wakwe, munwe ni munwani a rinzela hi ko cuwukana ni yindlu yakwe.

⁴ Makunu a muti wu wa anamile na wu hi wa hombe, kanilezi a vanhu va nga hi nzeni ka wona va wa hi vatsongwani, a tiyindlu ti wa nga se aketwa.

⁵ A Nungungulu wa mina i lo alakanyisa a mbilu ya mina a kuva nzi tsombanyisa manghakana, ni tinduna, ni vanhu, kasi va fela ku hlayiwa hi tinyangwa tabye. Nzi kuma a bhuku gi nga xaxametilwe a zizukulwana za lava va wuyileko kuranga, na ku tsalilwe lezi: Ezra 2:1

⁶ Lava hi vanana va tiko, lava va nga wuya hi le wukhumbini legi hosi Nebukadnezare a nga wa va khomile a va yisa Babuloni, va tlhela va wuya Jerusalema ni le Juda, munwe ni munwani a ti yela mutini wa ka kabye;

⁷ lava va nga wuya na Zerubabeli hi Jexua, Nehemia, Azaria, Raamia, Nahamani, Mordekai, Bilxani, Mispereti, Bigvai, Nehume, Baana. A tsengo wa vavanuna xikari ka va ka Israeli hi lowu:

⁸ A vana va Paroxi, 2,172.

⁹ A vana va Xefatia, 372.

¹⁰ A vana va Ara 652.

¹¹ A vana va Pahat-Moabi, a vana va Jexua na Joabe, 2,818.

¹² A vana va Elami, 1,254.

¹³ A vana va Zatu, 845.

¹⁴ A vana va Zakai, 760.

¹⁵ A vana va Binnui, 648.

¹⁶ A vana va Bebai, 628.

¹⁷ A vana va Azgadi, 2,322.

¹⁸ A vana va Adonikamu, 667.

¹⁹ A vana va Bigvai, 2,067.

²⁰ A vana va Adina, 655.

²¹ A vana va Atera, va ka Hezekia, 98.

²² A vana va Haxuma, 328.

²³ A vana va Bezai, 324,

²⁴ A vana va Harifa, 112.

²⁵ A vana va Gibeoni, 95.

²⁶ A vavanuna va le Betlehema ni le Netofa, 188.

²⁷ A vavanuna va Anatote, 128.

²⁸ A vavanuna va le Bet-Azmavete, 42.

²⁹ A vavanuna va le Kiriat-Jearimu, Kefira, na Beerote, 743.

³⁰ A vavanuna va le Rama ni le Geba, 621.

³¹ A vavanuna va le Mikmasi, 122.

³² A vavanuna va le Beteli ni le Ai, 123.

³³ A vavanuna va Nebo munwani, 52.

³⁴ A vana va munwani Elami, 1,254.

³⁵ A vana va Harimu, 320.

³⁶ A vana va Jeriko, 345.

³⁷ A vana va Loda, va ka Hadida ni va ka Ono, 721.

³⁸ A vana va Senaa, 3,930.

³⁹ A vapristi: a vana va Jedaia va yindlu ya Jexua, 973.

⁴⁰ A vana va Imera, 1,052.

⁴¹ A vana va Paxhura, 1,247.

⁴² A vana va Harimu, 1,017.

⁴³ A vaLevi: A vana va Jexua, va ka Kadmieli, wa vana va Hodeva, 74.

⁴⁴ A vayimbeleli: A vana va Asafa, 148.

⁴⁵ A varinzeli va tinyangwa: A vana va Xaluma, ni vana va Atera, ni vana va Talmoni, ni vana va Akuba, ni vana va Hatita, ni vana Xobai, va wa hi 138.

⁴⁶ A vaNetinime: a vana va Ziha, ni vana va Hasufa, ni vana va Tabaote,

⁴⁷ a vana va Kerosi, ni vana va Sia, ni vana va Padoni;

⁴⁸ a vana va Lebana, ni vana va Hagaba, ni vana va Salmai;

⁴⁹ a vana va Hanani, ni vana va Gideli, ni vana va Gahara;

⁵⁰ a vana va Reaia, ni vana va Rezini, ni vana va Nekoda;

⁵¹ a vana va Gazama, ni vana va Uza, ni vana va Pasea;

⁵² a vana va Besai, ni vana va Meunime, ni vana va Nefuxesima;

⁵³ a vana va Bakbuke, ni vana va Hakufa, ni vana va Harure;

⁵⁴ a vana va Bazlite, ni vana va Mehida, ni vana va Harxa;

⁵⁵ a vana va Barkosi, ni vana va Sisera, ni vana va Tema;

⁵⁶ a vana va Nezia, ni vana va Hatifa.

⁵⁷ A vana va malanza ya Solomoni: a vana va Sotai, ni vana va Sofareti, ni vana va Perida;

⁵⁸ a vana va Jaala, ni vana va Darkoni, ni vana va Gideli;

⁵⁹ a vana va Xefatia, ni vana va Hatila, ni vana va Pokereti-Hazebaime, ni vana va Amoni.

⁶⁰ Vontlhe vaNetinime ni vana va malanza ya Solomoni, va wa hi 392.

⁶¹ Lava hi lava va nga Suka hi le Tel-mela, Tel-harxa, Kerube, Adoni, ni le Imera. Kanilezi a va zi kotangi ku hlawutela a tiyindlu ta vararu vabye, ge hambu lixaka labye, aku kutani va wa hi va ka Israeli:

⁶² A vana va Delaia, ni vana va Tobia, ni vana va Nekoda, 642.

⁶³ A vapristi: a vana va Hobaia, ni vana va Hakoza, ni vana va Barzilai loyi a nga teka a munwe wa vanhanyana va Barzilai a muGileade, a tlhela a vitanwa hi vito gabye.

⁶⁴ Valavo va lo lava xaxameta wabye xikari ka lava va nga wa xaxametilwe hi zizukulwana zabye, kanilezi a wu kumekangi. Hikwalaho va lo alakanyelwa lezaku a va basangi, va humeswa wupristini.

⁶⁵ A mufumeli a va byela lezaku ngha va ngagi a zilo lezi zi basisilweko, kala ku chikela a mupristi loyi a nga ni Urima ni Tumima.

⁶⁶ A xidlemo xontlhe xi wa hi 42,360,

⁶⁷ ahandle ka malanza yabye ya xinuna ni ya xisati, ma nga wa hi 7,337. Va wa hi ni 245 wa vayimbeleli, vavanuna ni vavasati.

⁶⁸ A mahaxi yabye ma wa hi 736; a mamula yabye, 245;

⁶⁹ a makameli yabye, 435, a timbongola tabye, 6,720.

⁷⁰ A vanwani va nga wa ti tihosana ta tiyindlu ta vararu vabye, va lo maha hlengo wo fambisa ntiro. A mufumeli i lo nyikela 1,000 wa madarike ya nzalama, ni 50 wa zinamelo, ni 530 wa tinguwo ta vapristi.

⁷¹ A tinwani tihosana ta tiyindlu ta vararu vabye va lo nyikela mabakweni ya ntiro 20,000 wa madarike ya nzalama, 2,200 wa timina ta siliva.

⁷² Lezi zi nga nyikelwa hi vanhu ku wa hi 20,000 wa madarike ya nzalama ni 2,000 wa timina ta siliva, 67 wa tinguwo ta vapristi.

⁷³ Zinghaho a vapristi ni vaLevi, ni varinzeli va tinyangwa, ni vayimbeleli, ni vanwani vanhu, ni vaNetinime, ni vaIsraeli vontlhe, va tshama lomu mitini yabye. Ku te ku chikela a hweti ya wu 7 a vanana va ka Israeli na va hi lomu mitini yabye.