Joba 25 - Tshwa Bible

A kuwulawula ka Bildade.

¹ Zonake i lo hlamula Bildade, a muXuhi, aku:

² A kufuma ni kuchabyiwa zi ka Nungungulu; Wa vanga kurula matshanwini yakwe ma tlakukileko.

³ A mabutho yakwe ma nga hlayiwa ke? Himani a kuwonekela kakwe ku nga mu tsuwukeliko? Dan. 7:10

⁴ A munhu a nga lulamisa kuyini mahlweni ka Nungungulu? Ni munhu a belekilweko hi wasati a nga basisa kuyini?

⁵ Languta, hambu a hweti a yi na kuwonekela; Hambu a tinyeleti a ti basangi kuwoneni kakwe.

⁶ A nga kuyini a munhu loyi a nga pungwani, Ni nʼwana wa munhu loyi a nga xiwungwani?