Jeremia 28 - Tshwa Bible

Jeremia na Hanania.

¹ Hi lembe gwalego, a kusanguleni ka kufuma ka Zedekia, hosi ya ka Juda, hi lembe ga wumune, ni hweti ya wuntlhanu, Hanania nʼwana Azuri, muprofeti wa le Gibeoni, i lo nzi byela a mahlweni ka vapristi ni ka vanhu vontlhe lomu ndlwini ya Jehova, aku:

² Jehova wa tiyimpi, a Nungungulu wa Israeli i ngalo: Nzi pfutlatile a muyoko wa hosi ya Babuloni.

³ Loku ku hunzile malembe mambiri nzi ta wuyisa wutshanwini legi zontlhe zibya za yindlu ya Jehova, lezi Nebukadnezzare, hosi ya Babuloni, a nga zi tekela kona, a zi heleketa Babuloni.

⁴ Kambe nzi ta wuyisa ka legi wutshamu Jekonia a nʼwana Jehoiakimu, hosi ya ka Juda, ni tontlhe tikhumbi ta ka Juda, ti yisilweko le Babuloni, ku wula Jehova; hakuva nzi ta pfutlata a muyoko wa hosi ya Babuloni. 2 Tih. 24:12

⁵ Zonake muprofeti Jeremia i lo hlamula muprofeti Hanania a mahlweni ka vapristi, ni mahlweni ka vanhu vontlhe va nga yimile lomu ndlwini ya Jehova,

⁶ muprofeti Jeremia aku: Amen! Jehova a mahe lezo. Ngha Jehova a tatisa a timhaka ta wena, leti u ti profetileko, ta ku wuyisa a zibya za yindlu ya Jehova, ni vontlhe va nga wukhumbini ga le Babuloni, va wuya laha.

⁷ Hambu lezo, zwana a mhaka leyi nzi wulako a tindleveni ta wena ni tindleveni ta vontlhe vanhu.

⁸ A vaprofeti lava va nga hi kona mahlweni ka mina ni mahlweni ka wena a kusukela kaleloko, va lo profetela matiko yo tala ni mifumo ya hombe, lezaku ku ta va kona yimpi ni makhombo ni mitungu.

⁹ Kanilezi loku muprofeti a profeta hi kurula, a mhaka ya muprofeti na yi tatiseka, zonake a muprofeti loye i ta tiveka lezaku hizinene Jehova i mu rumile. Deut. 18:21

¹⁰ Zonake muprofeti Hanania i lo teka a muyoko a nhanwini ya muprofeti Jeremia a wu tshoveletela.

¹¹ Hanania i te ngalo mahlweni ka vontlhe vanhu: Jehova i ngalo: Nzi ta pfutlatisa zalezi a muyoko wa Nebukadnezzare, hosi ya Babuloni, tinhanwini ta matiko wontihe loku ku hunzile a malembe mambiri. Muprofeti Jeremia i lo ti fambela ndleleni yakwe.

¹² Zonake a mhaka ya Jehova yi lota ka Jeremia, anzhako kakuva muprofeti Hanania a tshoveletele a muyoko nhanwini ya muprofeti Jeremia, yiku:

¹³ Famba u ya byela Hanania, uku: Jehova i ngalo: U tshoveletele a muyoko wa sinya, kanilezi a wutshanwini ga wona u tava ni muyoko wa xiketse.

¹⁴ Hakuva Jehova wa tiyimpi, a Nungungulu wa Israeli i ngalo: Nzi khonekile a muyoko wa xiketse hehla ka tinhamu ta wontihe matiko lawa, lezaku ma tirela Nebukadnezzare, hosi ya Babuloni; va ta mu tirela. Nzi mu nyikile ni zihari za khwati.

¹⁵ Muprofeti Jeremia i lo engeta a wula ka muprofeti Hanania, aku: Ingisaka, Hanania; Jehova a nga ku rumangi; kanilezi u maha lezaku lava vanhu va tsumba mawunwa.

¹⁶ Hikwalaho Jehova i ngalo: Nzi ta ku susa misaveni; u tafa hi lembe gwalegi, hakuva u kanele kuhluwuka u vukela Jehova.

¹⁷ Hikwalaho muprofeti Hanania i lofa hi gwalego lembe, hi hweti ya wuntlhanu ni timbiri.