Isaya 12 - Tshwa Bible

Lava va ponileko va dumisa Jehova.

¹ A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

² Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

³ Hikwalaho mu takha hi kutsaka lomu tihlobyeni ta kuhanyisa. Joh. 4:14; 7:37

⁴ A ka siku lego mu taku: Khesani Jehova, mu khongela vito gakwe; Tlhatihambutelani a zimaho zakwe matikweni, Va tiviseni lezaku vito gakwe gi kulisilwe.

⁵ Yimbelelani Jehova hakuva i mahile a zilo zi hlamalisako; A zi tibyiwa misaveni yontlhe.

⁶ Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.